|
|
|
|
आगलागीबाट पुर्ण रुपमा क्षेति पुगेका ६८ घर परिवारलाई २६ गेजका २ बण्डल जस्ता पाता वितरण गरिएको जिल्ला विपद व्यवस्थापन समितिका अध्यक्ष एवं प्रमुख जिल्ला अधिकारी वंशी कुमार आचार्यले जानकारी दिनुभयो । आगलागी पिडितहरुलाई गाविस मार्फत गाउँमै जस्तापाता वितरण गरिएको जिल्ला स्थित पत्रकारहरुको भेटघाटका क्रममा उहाँले बताउनुभयो ।
भेटघाटमा प्रमुख जिल्ला अधिकारी आचार्यले हरेक कार्यालयमा राखिएका नागरिक वडापत्रलाई आवाजको रुपमा प्रयोग गर्ने अभ्यास थाल्न लागिएको जानकारी दिनुभयो । सबै सेवाग्राहीले पढ्न नजान्ने भएकाले सबैले बुझ्ने गरी आवाज रेकर्ड गरेर सुन्ने व्यवस्थाको सुरुवात गर्न थालिएको उहाँको भनाई छ ।
उहाँका अनुशार रुकुममा नेपाली र मगर खाम भाषामा आवाज प्रयोग गरिने छ । सुरुमा जिल्ला प्रशासन कार्यालयबाट यसको प्रयोग थालिने र क्रमशः अन्य सबै सरकारी कार्यालयहरुमा यस्तो सेवा विस्तार गरिने आचार्यले बताउनुभयो । यस्तै जिल्लाको पछिल्लो अवस्थालाई मध्यनजर गर्दै जिल्लाका विभिन्न ठाउँमा प्रहरी चौकी स्थापना र स्थानान्तरणको काम पनि भैरहेको जानकारी गराईएको छ ।
अहिले नयाँ प्रहरी चौकी स्थापना र स्थानान्तरण गर्नुपर्ने ठाउँको पहिचान गर्न बनेको कार्यदलले काम गरिरहेको र कार्यदलले असार १० गतेसम्म प्रतिबेदन बुझाएपछि प्रतिवेदनका आधारमा काम सुरु हुने प्रमुख जिल्ला अधिकारी आचार्यको भनाई छ । कार्यक्रममा जिल्ला स्थित पत्रकारहरुले जिल्लाको शान्ति सुरक्षा, विकास निर्माण, विभिन्न कार्यालयबाट हुने सेवा प्रवाहको अनुगमण लगाएतमा विषयमा ध्यान दिन जोड दिएका थिए ।
प्रशासनबाट भए गरेका कामको बारेमा जानकारी गराउने र सुझाव संकलन गर्ने उदेश्यले अव हरेक महिनाको अन्तिम दिन पत्रकार भेटघाट कार्यक्रम गरिने जिल्ला प्रशासन कार्यालयले जनाएको छ ।
Post a Comment