|
|
|
|
मेगराज खड्का, रुकुम/२१-जेठ । रुकुममा ४ गाविसमा एउटा नयाँ एकिकृत परियोजना सञ्चालन हुने भएको छ । परियोजनाले आज रुकुम सदरमुकाम खलंगामा परिचयात्मक कार्यक्रमको आयोजना गरि यस्तो जानकारी दिएको हो ।
सेभ द चिल्ड्रेनको सहकार्यमा रुकुमेली समाज विकास केन्द्र रुकुमद्धारा जिबिकोपार्जन तथा पोषण, शिक्षा र बाल संरक्षण सबै क्षेत्र समेटिएको एकिकृत परियोजना सञ्चालन भएको रुकुमेली समाज विकास केन्द्रका अध्यक्ष नरबहादुर नेपालीले जानकारी दिए ।
उनका अनुसार जिल्लाको खोलागाउँ, नुवाकोट, सिम्ली र गरायला गाविसमा कार्यक्रम सञ्चालन हुनेछ । उक्त गाविसका बिद्यालय र स्थानीय बालक्लबहरु परियोजनाका लक्षित बर्ग रहेका छन । परियोजना मार्फत अतिबिपन्न समुदायहरुको आयआर्जनमा सुधार गरि बालबालिकाहरुको पोषणामा समेत सुधार ल्याउने छ ।
त्यस्तै शिक्षामा समातामुलक पहुँच बिस्तार गरी शैक्षिक उपलब्धी बृद्धि गर्ने र जोखिममा परेका बालबालिकाहरुको अधिकार सुनिश्चित गर्दै संरक्षण गर्ने परियोजनाको लक्ष्य रहेको छ । परियोजना मार्फत कार्यक्रम सञ्चालित गाविसका बालबालिकाहरुलाई उपचारात्मक कक्षा सहयोग गर्ने, पढाई शिबिर सञ्चालन गर्ने सगै गाउँगाउँका बालक्लब गठन गरि बिभिन्न रचनात्मक कार्यक्रम सञ्चालन गर्ने शिक्षा अधिकृत केशब बिसीले जानकारी दिए ।
कार्यक्रममा सहभागी जिल्ला स्थित राजनैतिक दलका प्रमुख, जिल्ला स्थित कार्यालय प्रमुख र सरोकारवाला निकाहरुले कार्यक्रम निकै राम्रो भएको भएपनि सुगम भन्दा पुर्बी रुकुमका दुर्गम गाविसतिर कार्यक्रम सञ्चालन भएको भए झनै प्रभाबकारी हुने सुझाब दिएका थिए । पुर्बी रुकुममा यस्ता कार्यक्रम सञ्चालन गर्दा त्यहाँको शिक्षा, पोषण र बालबालिकाहरुको चेतनास्तरमा बृद्धि हुने उनीहरुको भनाई रहेको थियो । तुलसीपुर अनलाइनबाट
Post a Comment