|
|
स्थानिय शान्ति समितिको कार्यालयबाट जारी उजुरी संकलनमा अहिले सम्म सत्य निरुपण तथा मेलमिलाप आयोग तर्फ एक हजार १ सय २७ र वेपत्ता छानविन आयोग तर्फ १ सय १८ वटा निबेदन दर्ता भएको हो ।
द्धन्द्धका क्रममा जघन्य मानव अधिकार उल्लंघनका घटनामा परेका पिडितहरुलाई न्याय दिने उदेश्यले सरकारले दुई ओटा आयोग गठन गरेर सत्यको निरुपण र मेलमिलापको बाताबरण सृजना गर्ने योजना बनाएको छ ।
यस्तै केही पिडितहरुले निबेदनहरु घरमा समेत लगेर गएको र उजुरी दिने क्रम जारी रहेको समितिका कार्यालय सचिब हेमराज अधिकारीले बताए । बेपत्ता, घाईते, अपांग, विस्थापित, सम्पती क्षति, अपहरण, हत्या र बलात्कार सम्बन्धी उजुरी दर्ता हुने क्रम यही असार अन्तिम सम्मको म्याद तोकीएको छ ।
आयोगले २०५२ साल फागुन १ देखि २०६३ मंसिर १ गतेसम्म भएको शसस्त्र द्वन्द्वको समयमा भएका जघन्य मानब अधिकार उलंघनका घटनाको उजुरी लिदै आएको छ । स्थानिय शान्ति समिति दाङको तथ्यांक अनुसार जिल्लामा १ सय ३९ जना बेपत्ता छन् ।
यसैगरी ६ सय १९ जनाको मृत्यु, ८ सय २७ को अपहरण, ५ सय ८६ घाइते अपांग र ९ सय ६९ विस्थापित भएका छन् । यस्तै ९ सय ४६ को सम्पत्ति क्षति, ७ जना टुहुरा, १ सय ९१ कैद हिरासत र २ जनाको सम्पत्ति कब्जामा रहेको समितिमा तथ्यांक रहेको छ ।निमुसंगम घर्ती, तुलसीपुर अनलाइन
Post a Comment