|
|
कपुरकोट कृषि हाटबजार लगायत विभिन्न ८ हाटबजारबाट १७ करोड ७२ लाख, २६ हजार बराबरको तरकारी, २७ करोड, ११ लाख, २५ हजार बराबरको सुन्तला, १० करोड ४३ लाख २० हजार बराबरको अदुवा निकासी भएको वरिष्ठ कृषि विकास अधिकृत टेक प्रसाद लुईटेलले जानकारी दिए । उनले भने, ‘५ हजार ३ सय १७ टन तरकारी, २५ टन सुन्तला, ७ सय ८ टन अदुवा निकासी भएको छ । जसबाट कृषकहरुले मनग्य आम्दानी गर्न सफल भएका छन् ।’
वरिष्ठ कृषि विकास अधिकृत लुईटेलका अनुसार शारदा करिडोरमा ८ सय १ प्लाष्टिक घरको ४८ हजार वर्गमिटरमा टमाटर खेतीबाट ५ सय ७० टन उत्पादन गरी २ करोड ५६ लाख आम्दानी भएको छ । यस वर्ष १९ सय प्लाष्टिकका घर बनेका छन ।
यस्तै २२ लाख बराबरको विभिन्न जातको मकै, १ करोड १४ लाख बराबरको भटमास, ९ करोड ४५ लाख बराबरको टिमुर, र ४३ लाख बराबरको विभिन्न जातका विउ निकासी भएको छ ।
जिल्लामा ७ हजार ९ सय ७५ घरपरिवार तरखेतीबाट लाभान्वित भएको प्रमुख लुईटेलले बताए । उनले भने, ‘सुन्तलाबाट कोटमौला, कोटबारा, दमाचौर, पिपलनेटा, मार्के, सेजवालटाकुरा, कजेरीका १ हजार परिवार लाभान्वित भएका छन् अन्य बाँकी विभिन्न कृषिजन्य बस्तुको उत्पादन गरी लाभान्वित हुँदै आइरहेका छन् ।’
जिल्लामा उत्पादन भएका कृषिजन्य बस्तुहरु, बुटवल, दाङ, पोखरा, काठमाण्डौ, नेपालगञ्ज, धनगढी र भारतको लखनऊसम्म जाने गरेको छ ।
Post a Comment