|
|
|
|
टेलिकमले आफ्नो नेटवर्क भित्र मात्र यो सुविधा उपलब्ध गराउने जनाएको छ। भिडियो कलको महसुल प्रतिमिनेट ५० पैसा (कर बाहेक) तोकिएको छ । हाल यो प्याकेज लिएका सिमहरुले असार मसान्तदेखि नै सहुलियत दरको सुविधा लिन सक्नेछन् । यो सुविधा भएको सिम लिन अपाङ्गताको पहिचान खुल्ने कागजातसहित नेपाल टेलिकमको काउन्टरमा सम्पर्क गर्न टेलिकमले भनेको छ। सिम ९० रुपैयाँमा पाइने र त्यसमा ५० को टक टाइम हुने जनाइएको छ ।
त्यसैगरी २०६२/०६३ को जनआन्दोलनका घाइते एवं पूर्णरुपमा शारीरिक अपाङ्गता भएका ब्यक्तिहरुलाई एक पटकका लागि जिएसएम प्रविधिको प्रिपेड सिम वा सिडिएमए प्रविधिको रुम कार्ड एक थान निःशुल्क उपलब्ध गराउने व्यवस्था गरेको जनाइएको छ । यो सेवा साउन ३ गते देखि लागुहुने जनाएको छ ।
सेवा लिनको लागि जनआन्दोलनका घाइतेहरुले नेपाल सरकारबाट जारी भएको परिचयपत्रसहित एक प्रति फोटो र नागरिकता प्रमाणपत्रको प्रतिलिपि पेश गर्नु पर्नेछ । त्यसैगरी शारीरिक अपाङ्गता भएका व्यक्तिहरुले महिला, बालबालिका तथा समाज कल्याण मन्त्रालय, समाज कल्याण परिषदबाट जारी भएको परिचय पत्र (रातो कार्ड) सहित एक प्रति फोटो र आफ्नो नागरिकताको प्रतिलिपि पेश गर्नु पर्नेछ । यी सबै सेवाका लागि नेपाल टेलिकमको आफूलाई पायक पर्ने काउन्टरमा सम्पर्क राख्न सकिनेछ ।
यो योजना माघ मसान्त सम्म लागुहुने टेलिकमले जनाएको छ । संस्थागत सामाजिक उत्तरदायित्व अन्तर्गत ल्याएको यो योजनाले बोल्न र सुन्न नसक्ने ब्यक्तिहरु तथा जनआन्दोलनका घाइते एवं पूर्ण रुपमा अपाङ्गता भएका व्यक्तिहरुलाई सहयोग पुग्ने अपेक्षा राखेको टेलिकमले जनाएको छ । -नागरिकन्युज अनलाइनबाट साभार
Post a Comment