|
|
|
|
गुम्चाल–३ निवासी बेगम बिकको घर पहिरोले पुर्दा विककी २ वर्षीया छोरी सुनिता विकको ज्यान गएको छ । त्यस्तै सोही ठाउँका देविराम रोका र दानबहादुर रोकाको घर पनि पहिरोले बगाएको छ ।
घर बगाएपछि घरमा रहेका धनमाल तथा ४ वटा गाई, २ वटाबाख्रा पुरिएका छन् । पहिरोले घर बगाएपछि दानबहादुरकी श्रीमति पुष्पा रोका घाइते भएकी छन् उनलाई उपचारका लागि सुलिचौर लगिएको त्यहाँबाट नविना रोकाले जानकारी दिए ।
पहिरोले मिझिङ–गाम जोड्ने बाटो समेत अबरुद्ध भएको छ । लुङ्ग्री खोलामा २५ वर्ष यताकै सबै भन्दा ठूलो बाढी आएको छ । बाढीले मिझिङ ७ छिर्ने स्थित प्रस्तावित खेल मैदान लगायत त्यस आसपासका सबै जमिन कटान गर्नुका साथै पूर्णबहादुर महराको खेत पूरेको छ ।गजुल–३ धौलिगाउँमा रहेको कमल थापाको घरसंगै गासिएको पाल्निमा पहिरो पस्दा एक बाख्रा पुरिएर मरेको छ ।
बर्षाले उवामा पहिरो जादा मानिसहरु हताहत भएका छन । उवाँ गाविसका वडा नं २, ३, ४ र ६ नंबर वडामा लगातार पहिरो जादा बस्ति जोखिममा परेपछि मानिसहरु घरबार छोडेर डाँडामा गएका छन । पहिरोले पाँङ ४ र ५ डाइबाङमा खानेपानीको पाइप बगाएको छ । रिजर्बर ट्याङ्कीमा समेत क्षति पु¥याएको त्यहाँबाट रेग बहादुर पुनले जनाएका छन् ।
सिर्प–५ सिमगिठामा घरमाथिबाट पहिरो खस्दा चन्द्र बहादुर घर्तिमगरको घरमा रहेको भान्सा कोठा पहिरोले पुरिएको छ । घरमाथि रहेको बारी नै पहिरो बनेर आएपछि भान्सा कोठामा क्षति पुगेको छ ।यस्तै जैमाकसला–७ हाम्जामा पहिरोले २ वटा घर बगाएको छ । देवि मन्दिर निमाविको नवनिर्मिीत भवनमा रुख ढलेर क्षति भएको छ । तुलसीपुर अनलाइन
+ comments + 1 comments
uwaa ma pani pahiro le purera ekai pariwar kaa 4 jana ko jyan gako khabar aako chha...
Post a Comment