|
|
|
|
त्यस्तै सुतिरहेका समयमा सोमवार मध्यरातमा आएको पहिरोमा पुरिएर खबाङ–३ सुत्लाबाङमा अन्दाजी ६७ वर्षीय दविले विक र उनका १७ वर्षीय नाति दिपक विकको ज्यान गएको छ । रजवारा–३ मा ४५ वर्षीय सुपारी मल्ल र उनका १० वर्षीय छोरा मुकेश मल्लको पहिरोमा पुरिएर ज्यान गएको जिल्ला प्रहरी कार्यालय प्यूठानका प्रहरी नायव उपरिक्षक रंजितसिँह राठौँरले जानकारी दिए ।
खेलकुद मैदान, बाग्दुला, खैरा र झिमरुक ड्याम साईड नजिक बेवारिसे शव फेला परेको राठौँरले बताए । ‘कुर्तासुरुवाल लगाएकी अन्दाजी १२ वर्षीय वालिकाको शव बाग्दुलामा भेटिएको छ’,उनले भने,‘कसैको पनि सनाखत हुन सकेको छैन् ।’ ड्याम साईडमा २ जना महिला र विजुवारमा अन्दाजी ९ वर्षीय वालक, खैराको झोलुंगे पुल नजिक अन्दाजी ४५ वर्षीय पुरुषको शव फेला परेको छ ।
त्यस्तै, खोलाले बगाउँदा माझकोट–९ की अन्दाजी ४० वर्षीय जाली पुनको ज्यान गएको प्रहरीले जनाएको छ । स्थानीय कोडार खोलाले बगाउ“दा उनको ज्यान गएको प्रहरी नायव उपरिक्षक राठौँरले बताए । ढुंगेठाटी बजार आउने क्रममा उनलाई खोलाले बगाएको हो ।
फोप्ली–३ चारीवाङ पहिरो जा“दा एकै गाउँका १४ जना बेपत्ता भएका छन् । स्थानीय ४६ वर्षीय चेते पुन, उनकी श्रीमती खष्टी पुन, १८ वर्षीय छोरी रछानी पुन र उनकी पहिचान हुन नसकेकी आमा बेपत्ता भएको फोप्ली गाविस सचिव पुष्पराज थापाले जानकारी दिए । सोही ठाउँका रामबहादुर पुन, मनबहादुर पुन र पहिचान हुन नसकेका २ जना आफन्त पहिरोमा पुरिएकालाई बचाउन खोज्दा बेपत्ता भएको थापाले बताए ।
बेपत्ता भएकाहरुको पहिचान हुन नसकेको उनले जानकारी दिए । सदरमुकामबाट दुर्गममा पर्ने उक्त स्थानमा उद्दार गर्न समस्या भईरहेको प्रहरीले जनाएको छ । उद्दारका लागि नेपाल प्रहरी, शसस्त्र प्रहरी र नेपाली सेनालाई खटाईएको प्रमुख जिल्ला अधिकारी जनकराज पन्तले जानकारी दिए ।
त्यस्तै, लुङ–६ बाहानेमा पहिरोमा पुरिएर स्थानीय शिव बहादुर सुनारको ज्यान गएको छ । मध्यरातमा घरमाथीबाट पहिरो आएपछि घुर पुरिँदा बाहानेकै तीन जना बेपत्ता भएका छन् । स्थानीय ४५ वर्षीय शोभा रिजाल, सोही ठाउ“का ८ वर्षीय किरण थापा र बाहानेमा कोठा भाडा लिएर बस्दै आएका खवाङ-७ की काली परियार र ६० वर्षीय दोवन्ती विक पहिरोमा पुरिएर बेपत्ता भएको स्थानीयले बताएका छन् ।
त्यस्तै, अर्खा–६ दारेमेलामा एकै घरका तीन जना पहिरोमा पुरिएर बेपत्ता भएका छन् । ५० वर्षीय देवबहादुर बुढा, १३ बर्षीय छोरी जवुना बुढा र ११ वर्षीय छोरा हिमाल बुढालाई पहिरोले पुरेको प्रहरीले जनाएको छ ।
बाढी पहिरोले जिल्लाका दर्जन बढी गाविसका गरी झण्डै ढाई सय घरपरिवार विस्थापित भएको प्यूठानका प्रहरी प्रमुख प्रनाउ रंजितसिँह राठौँरले जानकारी दिए । बुधवार विहान जिल्ला दैवी प्रकोप उद्दार समितिको वैठक बसी तत्कालिन राहत र उद्दारका विषयमा छलफल गरिने प्रमुख जिल्ला अधिकारी जनकराज पन्तले जानकारी दिए । तुलसीपुर अनलाइनबाट
Post a Comment