|
|
|
|
तुलसीपुरको बैंक चोकमा बा २ ख ३६८४ नम्वरको हायसले रा २ प २५३० नम्वरको मोटरसाईकललाई शुक्रवार विहान ठक्कर दिदा त्यसमा सवार दुइजना र पैदल यात्रु थप एक जना सहित तीन जना घाइते भएको ईलाका प्रहरी कार्यालय तुलसीपुरका प्रवक्ता सञ्तोष रोकाले जानकारी दिए ।
घाइते हुनेमा मोटरसाईकल चालक तुलसीपुर ५ निवासी वर्ष ३० का रापेश अली , पछाडी सवार वर्ष २३ का सलिन अली र पैदल यात्रु तुलसीपुर १२ निवासी ५५ बर्षीया टम्सी चौधरी छन् ।
मोटरसाईकल चालको अलीको एउटा हात फ्याक्चर भएको छ भने अन्य दुइ जनाको अवस्था सामान्य रहेको पनि प्रहरी प्रवक्ता रोकाले जानकारी दिए । खुट्टा र हातमा गहिरो चोट लागेका मोटरसाईकल चालक अलीलाई राप्ती अञ्चल अस्पताल तुलसीपुरको प्रारम्भिक उपचारपछि थप उपचारका लागि बाँकेको कोहरपुर रेफर गरिएको छ ।
अन्य दुइजनाको अञ्चल अस्पतालमा उपचार भइरहेको छ । दाङबाट काठमान्डौं जानका लागि रजौमा यात्रु लिन गएको हायसले बैंकचौकमा उक्त मोटरसाइकललाई ठक्कर दिएको प्रहरीले बताएको छ । स्रोत: तुलसीपुर अनलाइन
Post a Comment