दाङमा जंगली च्याउको तरकारी खाँदा तीन परिवारका सात जना बिरामी

निमुसंगम घर्ती/साउन २१, घोराही । दाङमा जंगली च्याउको तरकारी खाँदा तीन परिवारका सात जना विरामी परेका छन् । पहाडि गाबिस काभ्रे ३ जुम्लेपानीमा जंगलबाट ल्याएको च्याउको तरकारी खाँदा तीन परिवारका सात जना बिरामी परेका हुन् ।

जुम्लेपानीका ५४ बर्षिया हेमादेवी खत्री, २३ बर्षिय बसन्त खत्री, १९ बर्षिया ज्ञानी खत्री, ३४ बर्षिय मदन घर्ती, २८ बर्षिया लक्ष्मी घर्ती, ९ बर्षिय प्रकाश घर्ती र ५८ बर्षिया धनी घर्ती च्याउको तरकारी खाँदा बिरामी पर्नुभएको हो ।

गाउँ नजिकैको मौवालेख सामुदायिक वन क्षेत्रबाट ल्याएको च्याउको तरकारी खाएपछि विरामी परेको मदन घर्तीले बताए । गाईगोरु चराउन जंगल गएको बेला चम्रेउ नामको च्याउ लिएर बिशिबार बेलुका खाना सँग खाएपछि सबै बिरामी परेका थिए ।

काठमा उम्रेको च्याउ खाएपछि बान्ता हुने, पखाला लाग्ने, रिङाटा लाग्ने र टाउका दुख्ने समस्या भएपछि बिरामी सबैलाई उपचारका लागि राप्ती उपक्षेत्रीय अस्पताल घोराहीमा ल्याइएको छ । विरामी सबैको अबस्था खतरा मुक्त रहेको र उपचार भैरहेको अस्पतालले जनाएको छ । तुलसीपुर अनलाइनबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..