|
|
|
|
घोराही नगरपालिका ३ चौघेराको मखमली टोलबाट तीन दिन पहिले हराएका डेढ बर्षिय बालक विक्रान्त सुनार आईतबार घोराही ४ धोब्बेको कटुवाखोलाको पानीमा डुबेको अबस्थामा भेटिएका हुन् ।
शुक्रबार दिउँसो ३ बजे तिर घरबाट हराएका बालकको आज खोलामा डुबेको अबस्थामा शब फेला परेको बुवा सुदन सुनारले जानकारी दिए । माछा मार्ने व्यक्तिले बच्चा पानीमा तैरेको अबस्थामा देखेपछि छिमेकीलाई खबर गर्दा अस्ती हराएको बच्चा भएको परिवारले पुष्टि गरेका हुन् ।
रामपुर गाबिस ८ काँडाखुटी घर भएका सुनारको परिवार तीन बर्ष देखी चौघेरामा भाडामा कोठा लिएर मजदुरी गर्दै आएका छन् । पिडित परिवारले बच्चाको कसैले हत्या गरेर पानीमा फालेको हुन सक्ने आशंका गरेका छन् ।
तर प्रहरीले शबको पोष्टमार्टम गरेपछि मात्रै मारेर फोलेको या डुबेर मरेको भन्ने थाहा हुने बताएको छ । घर देखी करिब ३ सय मिटर उत्तरतर्फ बालकको शब फेला परेको छ । घटनाका बारेमा अनुसन्धान थालेको जिल्ला प्रहरी कार्यालय दाङले जानकारी दिएको छ । तुलसीपुर अनलाइनबाट
Post a Comment