|
|
|
|
अबको झन्डै एक महिना पछि दाङबाट सिधैभारतको दिल्लीका लागि डिलक्स बसहरु सञ्चालन हुने राप्ती अञ्चल सार्वजनिक यातायात व्यवसायी समितिका पदाधिकारीहरुले जानकारी दिएका छन् ।
यात्रुहरुको सुविधा र आवश्यकतालाई मध्यनजर गर्दै दाङको पूर्बि व्यापारिक केन्द्र भालुबाङबाट लमही घोराही-तुलसीपुर हुदै अमिलिया–नेपालगंज, रुपैडिहा हुदै दिल्लीका लागि बस सेवा सञ्चालनको अन्तिम तयारी भइरहेको समितिले जानकारी दिएको छ । यस अघि दिल्ली जानलाई विभिन्न स्थानमा गाडि फेर्नुपर्ने, रिक्सा अथवा टेक्सी बदल्नुपर्ने र भाषाको समस्याले विभिन्न ठगीमा पर्नुपर्ने समस्या थिए ।
अब यस्तो समस्यावेहोर्दै आएका सर्वसाधारण यात्रुका लागि सिधै दिल्लीसम्म वस सञ्चालन गर्न लागिएको समितिका पदाधिकारीहरले बताए । सुरुमा सातामा तीन दिन दिल्लीसम्मलाई डिलक्स गाडी छोड्ने तयारी समितिले गरेको छ । यात्रुहरुको चाप र मागलाई मध्यनजर गर्दै गाडी संख्यामाथपघट गर्न सकिने समितिका डायल इन्चार्ज प्रकाश भट्टले जानकारी दिएका छन् ।
समितिले दिल्लीमा नेपाली त्यसमा पनि मध्यपश्चिमवासी यात्रुहरुको सुविधाका लागि ‘राप्ती टुर एण्ड ट्राभल्स’ नामक एजेन्सी दर्ता गरेर डिल्लीको सबै प्रकृया पुरागरिसकेको जानकारी भट्टले दिए । ‘हामीले इण्डियाको सबै प्रकृया पुरा गरिसकेका छौं, अहिले हामी समितिमा आन्तरिक तयारीमा जुटेका छौं, भदौको दोस्रो सातादेखि भालुबाङ-तुलसीपुर हुदै अमिलियाको बाटो डिलक्स बसहरु छोड्ने तयारीमा छौं-राप्ती अञ्चल सार्वजनिक यातायात व्यवसायी समितिका अध्यक्ष सुरेश हमालले भने ।
बिषेशगरी राप्तीका सबै जिल्ला, गुल्मी अर्घाखाँची र कोइलावास सीमा नजिकका सबै यात्रुहरुलाई सेवा दिने उद्देश्यले भालुबाङबाट रुट तय गरिएको अध्यक्ष हमालले बताए । व्यापारिक सिलशिला वा कमाइका लागि भारत जानेहरु फर्कदां पटक÷पटक ठगीने र लुटिने घटनाहरुमा यसरी सीधा बस सेवा सञ्चालन आएपछि घट्ने अपेक्षा अध्यक्ष हमालले व्यक्त गरे ।
‘सिधा बस सेवा सञ्चालन हुंदा विचमा गाडी बदल्नुपर्ने झण्झट र भाषाका कारण झेल्नुपर्ने कठिनाईबाट मुक्त हुनेछ, साथै यात्राको अवधीपनि कम हुनेछ’–अध्यक्ष हमालले भने । समितिले नाफामूखीभन्दा पनि सेवामुखी भावले दाङ– दिल्लीको रुट तय गरेर सुविधासम्पन्न बसहरु सञ्चालन गर्न थालेको उनले दाबी गरे ।
यात्रुहरुले धेरै गाडी बदलेर आउनुपर्दा धेरै सास्ती खेप्नुपरेको खबरहरु बाहिर आइरहँदा कसरी उनीहरुलाई सुरक्षित यात्रा गराउन सकिन्छ भनेर सिधा बस सेवाका लागि प्रकृया अघि बढाइएको समितिले जनाएको छ । दिल्लीबाट विभिन्न गाडीहरु बदलेर दाङसम्मआउनुपर्दा विरामी तथा सर्वसाधरणले निकै सास्ती वेहोर्नुपर्छ ।
बस सञ्चालनमा आएपछि १६ घण्टामा दिल्लीबाट दाङ आइपुगिने समितिले दाबी गरेको छ । ‘हाम्रा गाडीहरु सञ्चालन भएपछि दाङबाट दिल्लीको यात्रा समय १६ घण्टा हो, त्यो समयमा हामी यात्रुलाई सुविधासम्पन्न यात्रा गराउन सक्छौं’–समितिका डायल इन्चार्ज प्रकाश भट्टले भने ।
अहिले दिल्लीबाट दाङ आउनका लागि विभिन्न स्थानमा रिक्सालगायतका साधनको प्रयोग गर्नुपर्ने, गाडीहरु फेर्नुपर्ने जस्ता कारणले करिब २४ घण्टाभन्दा बढि समय लाग्ने गरेकोले त्यसभन्दा धेरै छिटो गनतव्यमा पुग्न सकिने उनले बताए । दाङबाट दिल्लीका लागि भाडा अहिले नेपाली रुपैंया २ हजार ८० निर्धारण गरिएको भएपनि त्यसमा केही दिनमै हेरफेर हुने समितिले
बताएको छ । तुलसीपुर अनलाइनबाट
Post a Comment