दाङमा १६ बर्षीय एक किशोरी मृत भेटीईन

भदौ २०, दाङ । दाङ देउखुरीको राजपुरमा एकजना किशोरी मृत अवस्थामा फेला परेकी छन ।

राजपुर गाविस वडा नं. ९ बनकट्टी निवासी १६ वर्षीय गोमा वली स्थानीय नेपुवा खोलामा मृत अवस्थामा फेला परेको चौगुवा प्रहरी चौकी राजपुरले जानकारी दिएको छ ।

तीजको दिनमा बाख्रा चराउन जंगल गएकी वली साँझ अवेर सम्म घर नफर्किएपछि आफन्तले खोजि सुरु गरेका थिए । किशोरी सोमवार विहान खोलामा डुवेको अवस्थामा फेला परेको प्रहरीले जनाएको छ ।

खुला किनारमा ठूलो भिर रहेकोले उनी त्यही भिरवाट लडेर मृत्यु भएको आशंका प्रहरीले गरेको छ । तर आफन्तले किशोरीको मृत्युको कारणहरु अन्यपनि हुन सक्ने आशंका व्यक्त गरेको प्रहरीले बताएको छ । -तुलसीपुर अनलाइनबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..