सल्यानमा बन्दुक सहित एक जना पक्राउ

बुद्धि पुन/भदौ २७, सल्यान । सल्यानमा एक थान बन्दुक सहित एक जना पक्राउ परेका छन् । मुलखोला गाबिस ९ मैनेनी निवासी नन्न पुनलाई एक थान वन्दुकसहित पक्राउ गरिएको प्रहरीले जानकारी दिएको छ ।

१ महिना अघि स्थानीय गोविन्द पुन र देववहादुर पुनसँग उनको छोरा यामवहादुर पुनको विवाद भए पछि नन्न पुनले वन्दुकले हान्ने प्रयास गरेको आरोप सहितको मुद्दा प्रहरीमा दर्ता भएको थियो । गोविन्द पुन र देववहादुर पुनले उक्त जाहेरी जिल्ला प्रहरी कार्यलय सल्यानमा दर्ता गराएका थिए ।

ईलाका प्रहरी कार्यलयको टोली सोमवार विहान नन्न पुनको घरमा पुगि भरुवा वन्दुक सहित पुनलाई पक्राउ गरेको हो । देववहादुर र गोविन्दले भारतमा मजदुरी गर्न गएको समयमा यामवहादुर संग सामान्य विवाद भएको र घरमा आईपुग्दा बावु नन्न पुनले आफुहरुलाई बन्दुक तेर्साएको आरोप लागेको छ ।

उक्त वेहोराको जाहेरी प्रहरीमा दर्ता भएपछि प्रहरीले पुनको घरमा खानतलासी गरि बन्दुक सहित उनलाई पक्राउ गरेको हो ।

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..