|
|
|
|
एनसेल कम्पनीका सिमकार्डहरु गैरकानुनीरुपमा बिक्री गरिहेको भन्ने सुचनाको आधारमा जिल्ला प्रहरी कार्यालयबाट खटिएको बिशेष प्रहरी टोलीले घोराही नगरपालिका ८ बस्ने ३२ बर्षिया पवित्रा बहकारी, लमही नगरपालिका ५ बस्ने २४ बर्षिय भोजराज थापा, सोही ठाउँका १८ बर्षिय अभिषेक पोख्रेल र लालमटिया ८ बस्ने २२ बर्षका पवन पोख्रेललाई पक्राउ गरिएको दाङका प्रहरी प्रमुख एसपी धिरजप्रताप सिहंले जानकारी दिए ।
एनसेल कम्पनीका सिमकार्डहरु बिक्री गर्दा कानून बमोजिम नागरिकताको प्रतिलिपी, फोटो सहित अन्य बिबरणहरु कुनै उल्लेख नगरि प्रमाणित कागजातहरु नराखी बिक्रि गरेको अभियोगमा उनिहरुलाई पक्राउ गरिएको एसपी सिंहले बताए । उनिहरुको साथबाट ३८ वटा एनसेलका सिमकार्ड समेत बरामद भएको प्रहरीले जनाएको छ ।
उक्त कार्यले नागरिक सुरक्षामा समेत गम्भीर असर पर्ने भन्दै प्रहरीले एनसेलका ३८ वटा सिमकार्ड र एनसेल डिलर संचालक सल्यान छायाँक्षेत्र २ शंखमुल घर भई हाल घोराही ११ स्थित गौरव टेड्रर्श संचालन गरी बस्ने बिष्भर रेग्मीलाई पक्राउ गरी दुर संचार ऐन बमोजिम आवश्यक कार्वाहीको लागि अनुसन्धान शुरु गरिएको प्रहरीले बिज्ञप्ती जारी गर्दै जनाएको छ । तुलसीपुर अनलाइनबाट
Post a Comment