दाङमा एकतोला सुनको सिक्रि झुक्काएर यसरि लिईन यि महिलाले, तपाई चिन्नु हुन्छ ? (सिसी क्यामेराको भिडियोसहित)

भदौ १६, दाङ । तुलसीपुरको एउटा सुन चाँदी पसलवाट एकजना महिलाले दुई हजार रुँपैया दिएर ६५ हजार १ सय ८० रुँपैयापर्ने एकतोला सुनको सिक्रि लगेर फरार भएकी छन् ।

तुलसीपुरको ‘घ’ लाईन स्थित बागेश्वरी सुन चाँदी पसलवाट एकजना महिलाले पसल साहुलाई झुक्काएर सुनको सिक्रि लगेको जाहेरी प्रहरीमा परेको छ ।

पसलका प्रोप्राईटर इन्द्रविर डाँगीले ग्राहकको रुपमा पसलमा आएकी एकजना बच्चासहितकी महिलाले गरगहना हेरेपछि सुनको सिक्रि झुक्काएर लगेको बताए । ती महिलाले एक तोलाको सिक्रि हेरेपछि मन परेको भन्दै लैजाने बताएकी थिइन । र उनले पसलेले सुनको सिक्रि दिएपछि क्रिष्टलको माला उन्न लगाएकी थिइन ।

त्यसैक्रममा उनले सुनको सिक्रि लुकाएर हातमै मुठ्ठी पारेकी थिइन । त्यो दृष्य सिसी क्यामेराको फुटेजमा स्पष्ट देखिन्छ । प्रोप्राईटर डाँगीका अनुसार एउटा माला उनेर तयार भएपछि फेरि अर्कोपनि क्रिष्टलको माला उन्न लगाई साहुलाई व्यस्त तुल्याउँदै झुक्काएर सुनको सिक्रि लगेको सिसी क्यामेराको फूटेजमा पनि स्पष्ट देखिएको छ ।

काखमा बच्चा सहित आएकी ती महिलाले गत भदौ १२ गते आइतवारका दिन सुनको सिक्रि हेरेपछि पसल साहुले दिएको सिक्रि राख्ने सानो झोलावाट निकालेर हातमै मुठ्ठि पारेर लुकाएको र साहुलाई झुक्काएर सिक्रि राख्ने झोला मात्रै दिएको स्पष्ट सिसी क्यामेराको फुटेजमा देखिएको छ ।

तर त्यसपछिपनि ती महिला साहुलाई विश्वास दिलाउन धेरैवेर सोही पसलमा बसेको देखिन्छ । तर ति महिलाले दोस्रो क्रिष्टलको माला पनि तयार हुँदैगर्दा भने दुईहजार रुँपैया पेश्कि दिँदै आफु एकैछिन बुटिकमा पुगेर आउने आश्वासन दिएकी थिइन ।

त्यहाँवाट फर्केपछि सिक्रि र किष्टलको मालाहरु लैजाने बताएकी ती महिला त्यसपछि भने उक्त पसलमा फर्कैर आइनन् । सिक्रि र माला लिन धेरै वेर नआएपछि बागेश्वरी सुनचाँदी पसलका प्रोप्राईटर इन्दविर डाँगीको अनि बल्ल झल्यास्स भए । अनि उनले सिक्रिराख्ने बट्टा र झोला चेकगर्दा त्यहाँ सुनको सिक्रि थिएन । त्यसपछि ती झुक्काएर लगेको बल्ल थाहाँ पाए ।

 त्यसअघि सम्म ती महिलाले बाबु इन्द्रविर र छोरा कमल डाँगीलाई झुक्काएको उनीहरुले चाल पाएकै थिएनन् । पसल सञ्चालकको ठूलो कमजोरी महिलाले फिर्ता दिएको सुनको सिक्रि राख्ने सानो झोला चेक नगर्नु पनि थियो । त्यहाँ उनीहर वढी विश्वासमा परेको देखिन्छ । तर जतिबेला उनीहरुले महिलाले झुक्काएर गहना लगेको थाहाँपाए त्यतिवेला ढिला भईसेको थियो ।

डाँगीका बाबुछोरा पसलमै भएपनि साँझ परिसकेकोले बजारमा कता खोज्ने त्यो संभव थिएन । उनीहरुले तत्काल प्रहरीलाई खबर गरे । प्रहरीले सिसी क्यामेराको फुटेज झिकायो । त्यो हेरेपछि पसलेलाई झक्काएर सुनको सिक्रि लैजाने महिलाको खोजिगर्न थाल्यो । तर चार दिन वितिसक्दापनि फेलापार्न नसकेपछि सार्वजनिक मिडिया मार्फत सुनको सिक्रि झुक्काएर लैजाने महिलाको भिडियो सार्वजनिक गरिएको हो ।

यसअघि अनुसन्धानमा बाधा पुग्ने भन्दै प्रहरीलेपनि सूचना दिन मानेको थिएन । यसअघि तुलसीपुरको वीपी चोकमा रहेको राप्ती मनि ट्रान्सफर्मरवाट चोरी भएको ५ लाख ३५ हजार र सोही ट्रान्सफर्मरवाट रकम निकालेर निस्कदै गरेका एकजना व्यक्तिवाट नाटकिय ढंगले २ लाख लुट्ने व्यक्तिलाई समेत प्रहरीले पहिचान गर्न सकेको छैन । तुलसीपुर अनलाइनबाट साभार

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..