|
|
|
|
वडा प्रहरी कार्यालय घोराहीका प्रमुख, प्रहरी निरीक्षक सूर्य थापाको कमाण्डमा गएको प्रहरीले शुक्रबार राती सवा दश बजे होटलबाट घ्यू सहित उनिहरुलाई नियन्त्रणमा लिएको हो । भैसीको घ्यू सहित डाल्डा, र सनप्mलावरको ३ सय किलो मिसावट घ्यू, एक थान ग्यास चुलो, दुइ थान सिलिन्डर, एक थान स्टोप र करिब ३ सय ५० वटा एक किलोका डिब्बाहरु समेत जफत गरेको प्रहरी निरीक्षक थापाले जानकारी दिए ।
करिब २५ वटा डिब्बामा मिसावट घ्यू समेत प्याक भैसकेको अबस्थामा प्रहरीले फेला पारेको हो । साथै प्रहरीले उनिहरुको साथबाट एक लाख ६८ हजार ९ सय नगद र एक सय थान बच्चाले लगाउने कपडा समेत बरामद गरेको छ । पक्राउ परेका ८ जना भारतिय र एक जना रौतहटका नेपाली रहेका छन् ।
उक्त गिरोहले होटलमा माथिल्लो तला भाडामा लिएर ४ दिन अघि देखी बस्दै आएको खुल्न आएको छ । उनिहरुको गिरोह १२ जना बढीको रहेको र अन्य भने पक्राउ नपरेको प्रहरीले जनाएको छ । उक्त गिरोहले मिसावट गरेका घ्यूहरु बजारमा समेत गैसेकको प्रहरीले सूचना पाएको बताएको छ ।
चाडपर्वका समयमा उक्त गिरोहले यसरी शुद्ध घ्यूको नाममा मिसावट गरि अखाद्य घ्यूहरु बिक्रि गर्दै आएको र अघिल्ला बर्षहरुमा समेत यसरी कारोबार हुदै आएको प्रहरीको अनुसन्धानले देखाएको छ । पक्राउ परेका सबैलाई वडा प्रहरीले जिल्ला प्रहरी कार्यालयमा बुझाएको छ ।
उनिहरुका बारेमा अनुसन्धान भैरहेको र उनिहरुलाई अखाद्य पदार्थ मिसावट तथा कालोबजारी ऐन अन्तरगत मुद्धा चलाएर कार्वाही हुने दाङका प्रहरी प्रमुख एसपी धिरजप्रताप सिंहले जानकारी दिएका छन् । तुलसीपुर अनलाइनबाट
Post a Comment