|
|
|
|
लोडसेडिङको अध्यारोमा सडकमा हिड्न असहज मात्रै थिएन , जोखिम पनि उत्तिकै थियो । कुटपिट, चोरी , लुटपाट जस्ता घटनाहरु हुने गरेका थुपै उदारहणहरु तुलसीपुरवासीले भोगेका थिए । अब त्यो त्रासदी सदाको लागि समाप्त हुने अपेक्षा गरिएको छ । तुलसीपुर बजारका बिभिन्न स्थानमा सौर्य सडक बत्ति जडान भएसंगै त्यस्तो अपेक्षा गरिएको हो ।
‘अहिले बजारका अधिकाँस ठाँउमा सौर्य सडक बत्ति जडान भईसकेका छन् भने केही ठाँउमा जडान कार्य धमाधम भइरहेको छ ।’ तुलसीपुर नगरपालिकाका ईञ्जिनियर पवन कुमार योगीले भने ‘ उज्यालो पर्व तिहार सम्म तुलसीपुर झिलिमिली हुनेछ ।’ उनले तुलसीपुर बजार क्षेत्रको क, ख, ङ र न्युरोड लाईनमा सौर्य सडक बक्ति जडान गरिसकेको र बजारका अन्य सडकमा जडान कार्य जारी रहेको जानकारी दिए ।
अब एक हप्तामै तुलसीपुरका सबै ठाँउमा सौर्य बक्ति जडान कार्य पुरा गरिसक्ने ईञ्जिनियर योगीले बताए ।योगीका अनुसार तुलसीपुरको ‘ग’ लाईन तथा तुलसीपुर ६ हात्तिखौवादेखि सिप विकास जाने सडकमा सौर्य वत्ति जडान कार्य जारी रहेको छ ।
स्थानीय बिकास मन्त्रालयको अनुदान , तुलसीपुर नगरपाकाको लगानी तथा स्थानीय उपभोक्ताको लागत सहभागीतामा तुलसीपुरका बिभिन्न स्थानमा ७८ वटा सौर्यबत्ति जडान कार्य भइरहेको ईञ्जिनियर योगीले बताए । चालु आर्थिक वर्षको पहिलो चौमासिकमा सडक वत्ति जडान कार्य पुरा गर्ने स्थानीय बिकास मन्त्रालयको योजना अनुसार नै काम अगाडि बढेको तुलसीपुर नगरपालिकाका कार्यकारी अधिकृत टोपेन्द्र केसीले जानकारी दिए ।
केसीका अनुसार तिहार अगाडि नै तुलसीपुर बजारका सबै स्थानमा सौर्य बक्ति जडान भइसक्ने छ । सौर्य बक्ति जडानका लागि स्थानीय विकास मन्त्रालयले ६५ प्रतिशत अनुदान दिएको छ भने त्यसमा तुलसीपुर नगरपालिकाको २० प्रतिशत लगानी र उपभोक्ताहरुको १५ प्रतिशत लागत सहभागिता रहेको छ ।
सौर्य सडक वत्ति जडान कार्य तुलसीपुरको ‘क’ लाईनका ३ टोलमा ३० वटा वल्व , ‘ख’ लाईनको आर्दश टोलमा ६ वटा वल्व ‘ग’लाईनमा ८ वटा वल्व , ‘ङ’ लाईनको प्रतिभा टोलमा १० वटा वल्व ,वसपार्कको न्युरोडमा १० वटा वल्व र हात्तिखौवा देखि सिप विकास कार्यालय जाने सडकमा १४ वटा वल्व ,वरुवागाउँमा १४ वटा सौर्यवत्ति जडान गरिने ईञ्जिनियर योगीले बताए ।
एउटा सौर्य बक्ति जडानका लागि एक लाखको स्टिमेट भएपनि ८०देखि ८५ हजारमा काम पुरा भईरहेको कार्यकारी अधिकृत केसीले बताए । तुलसीपुर बजार क्षेत्रमा एभरेष्ट सोलार कम्पन्नी काठमाण्डौंले सौर्य वत्ति जडानको जिम्मा पाएको छ ।
झण्डै ७० लाख लगानीमा नगर क्षेत्रका बिभिन्न स्थानमा सौर्य वत्ति जडान कार्य पुरा हुने नगरपालिकाका कार्यकारी अधिकृत केसीले बताए । सौर्य बत्ति जडान भएसंगै अब लोड्सेड्ङिको समयमा पनि बजार झकिझकाउ बन्ने कार्यकारी अधिकृत केसीले बताए । उनले यसले बजारको सुरक्षा व्यवस्थामा सुधार हुनुका साथै चोरी जन्य घटना र अपराधिक घटनामा कमि आउने आशा व्यक्त गरे ।
तुलसीपुर बजारमा सौर्य सडक बत्ति जडान भएसंगै बिद्युत प्राधिकरणले भार कम हुने छ । विद्युत खपत कम हुने छ । त्यसले गर्दा लो भोल्टेजको समस्या केही हत सम्म कम हुने अपेक्षा विद्युत प्राधिकरण तुलसीपुरका प्रमुख टंकराज गिरीले आशा व्यक्त गरे । -तुलसीपुर अनलाइनबाट
Post a Comment