|
|
|
|
पोस्टपेड सेवालाई कन्भर्जेन्ट रियल टाइम बिलिङ सिस्टममा लगेपछी अब ग्राहकहरुलाई यो सेवामा थप सुबिधा पाउने भएका छन् । सनिबारदेखि टेलिकमले वायरलेस सिस्टमका जीएसम तथा सिडिएमए र वाइम्याक्स सेवाको बिलिङलाई एउटै सिस्टममा हालेपछी त्यसको नेपाल टेलिकमका ग्राहकहरुलाई प्रत्यक्ष फाइदा हुनेछ ।
नेपाल टेलिकमको यस अघिको सेवा निकै झन्जटिलो थियो पोष्टपेड प्रयोगकर्ताहरुको ब्यालेन्स कतिखेर सकिएको, कति ब्यालेन्स छ भन्ने जस्ता सूचनाहरु पाउन सहज थिएन । अब भने नयाँ सिस्टम जडानपछि पोष्टपेड सेवाग्राहीहरुले बिल भुक्तानीको सुचना तथा आवश्यक जानकारीहरु सहज रुपमा हेर्न सकिने भएको छ ।
बिशेष गरि पोष्पेडका ग्राहकको मोबइलमा अन्तिम कल कष्ट अर्थात अन्तिम पटक गरेको कलको लागत आउने सिस्टम सुरु गरिनेछ । यो सिस्टम पछी ग्राहकले आफ्नो ब्यालेन्स कति छ भन्ने सुचना पाउने, ब्यालेन्स सकिन लागेको जानकारी दिने र समयमै रिचार्ज गर्न पूर्व सूचना दिनेछ ।
पोस्टपेडमा ल्याईएको यो सेवा अव केहि समयमै पिएसटीएन र एडीएसएललाई समेत नयाँ सिस्टममा राखेपछि यो सिस्टम सुरु हुने टेलिकमले जनाएको छ ।
यो सिस्टमले पोस्टपेड ग्राहकहरुलाई सहजता सँगै अप्रत्यासित बिलिङ गर्न खोज्नेहरुलाई पनि नियन्त्रणमा लिन सकिन्छ । टेलिकमले नयाँ सिस्टम हालेको भएपनि यसबारे खुलेर सूचना दिएको छैन ।
त्यसको मतलब टेलिकम आफ्नो सेवालाई ग्राहकसामु ल्याउनको लागि अझै केहि समय गृहकार्य गर्नमा तल्लिन छ । अब ल्याइएको नयाँ सिस्टमको आधारमा टेलिकमले आफ्नो पोष्टपेड प्रयोगकर्ताहरुलाई छिट्टै नयाँ सुविधाहरु घोषणा गर्ने तयारी गरेको छ ।
Post a Comment