|
|
यसअघि रुकुम काठमाण्डौ साना हाईस सञ्चालन गरेको भए पनि लामो रुट र साना गाडिमा यात्रु चाप धेरै देखिएपछि ठुला डिलक्स गाडिहरु सञ्चालनमा ल्याइएको प्रालिका अध्यक्ष केशब रावलले जानकारी दिए । रुकुम दाङ सडकखण्ड वटाशिल भएसगै सुबिधा सम्पन्न गाडिहरु सञ्चालनका लागि पनि सहज भएको उनको भनाई रहेको छ ।
कुनै बेला धुलो र हिलोमा जोखिमपुर्ण यात्रा गर्नुपर्ने बाध्यतामा रहेका रुकुमेलीका लागी अत्याधुनिक डिलक्स गाडी सञ्चालनमा आएपछि यात्रुहरु पनि खुसि भएका छन । रुकुमबाट राजधानीको लागी यात्रा गर्नुपर्दा एक हप्ताको समय लाग्ने रुकुमबासी अव एक दिनमा नै राजधानी पुग्नेछन ।
प्रालिले रुकुमबाट काठमाडौँका लागी डिलक्स गाडी र नेपालगंज तथा दांङका लागी हाइस गाडीहरु सञ्चालन गर्ने बताएको छ । सदरमुकाम मुसिकोटबाट यस अघि सिस्ने हिमाल यातायात व्यवसायी समितीले दाङ, नेपालगंज र काठमान्डौमा सेवा दिइरहेको छ । सो समिती भन्दा अत्याधुनिक सुबिधा सहित रुकुम यातायात प्रालिले सेवा दिने दावी गरेको छ ।
प्रालिले रुकुमका स्थानिय ठाँउहरु रुकुमकोट, आठबिसकोट, चौरजहारी लगाएतका ठाँउहरुमा पनि गाडी सञ्चालन गरिरहेको छ । यसै गरी सोलाबाङ, सिम्रतु, झुल्नेटा लगाएतका स्थानीय बजारका यात्रुहरुलाई मध्यनजर गरी पनि गाडी सञ्चालन गर्ने बताईएको छ । रुकुमबाट काठमान्डौका लागी डिलक्स गाडी साँझ ४ बजे छुट्ने छ ।
जिल्लामा दुई यातायात समिति सञ्चालनमा आएसगै व्यवसाय सञ्चालनमा प्रतिप्र्रधा देखिएको छ भने यात्रुहरुलाई पनि सहज हुने छ । अघिल्लो सिस्ने समितिले रुकुम आफ्ना सेवाहरुलाई थप प्रभाबकारी बनाउँदै लैजाने बताएको छ । समितिले पनि आफ्नो सेवा बिस्तार गर्दै दाङ, नेपालगंजका लागि साना गाडिहरु संचालनमा ल्याउने तयारी गरेको छ भने जिल्लाको पुर्बी गाविस रुकुमकोटबाट पहिलो पटक काठमाण्डौ सम्म सिधा रात्री बस सेवा सञ्चालनमा ल्याएको छ ।
जसले गर्दा पुर्बी रुकुमका स्थानीय बासिन्दाहरु दाङ, नेपालगंज र काठमाण्डौ जानलाई रुकुम सदरमुकाम खलंगा आएर होटल बस्नुपनेृ बाध्यता हटेको छ । -मेगराज खड्का, Tulsipuronlineबाट
Post a Comment