|
|
|
|
पुस १७, तुलसीपुर । बस संचालनका विषयमा जिल्लामा देखिएको विवाद समाधान गर्ने उदेश्य सहित शुक्रवार जिल्ला प्रशासनमा छलफल शुरु भएको छ ।
प्रमुख जिल्ला अधिकारी दिपक काफ्लेले राप्ती अंचल सार्वजनिक यातायात व्यवसायी समिति र मालिका –कालिका प्रालिका पदाधिकारीहरुलाई वोलाएर उत्पन्न विवाद समाधान गर्न छलफलमा डाकेका हुन । विहान ८ बजेदेखि नै जिल्ला प्रशासनमा वार्ता हुने भनिए पनि प्रालिका पदाधिकारी विहान साढे नौं बजेसम्म पनि आयोजित छलफलमा सहभागि नहुँदा छलफलमा ढिलाई भएको छ ।
तर दाङका प्रहरी प्रमुख कुवेर कडायतले प्रालिका पदाधिकारीहरु पनि छलफलमा सहभागि हुनका लागि आउँदै गरेकोले केहि ढिलाई हुन गएपनि केहि वरेमै छलफल शुरु हुने जानकारी दिए । प्रालिका महासचिव गेहेन्द्र वलीले पनि प्रहरी प्रशासनले पटक-पटक आग्रह गरेकोले आफूहरु पनि वार्तामा जाँदै गरेको जानकारी दिए ।
यसअघि भने प्रालिका पदाधिकारीहरुले आफू र आफ्ना गाडीहरुलाई राप्ती समितिकै पदाधिकारीहरुको नेतृत्वमा भौतिक आक्रमण भएकोले पहिला उनीहरुलाई पक्राउ र कानुन वमोजिम कारवाही हुनुपर्ने माग पुरा हुनुपर्ने अडान लिएको थियो । बुधवार प्रालिले पाँच वटा नयाँ डिलक्स गाडी भित्याएपछि लमहीदेखि घोराहीसम्म ठाउँठाउँमा ढुङ्गामुढा भएको प्रालिको आरोप छ ।
प्रालिका पाँचवटा गाडीहरु जिल्ला भित्याए देखि नै सशस्त्र प्रहरी वेश क्याम्प तुलसीपुरको हाता भित्रै राखिदै आइएको छ । यसैबीच राप्ती समितिले पनि विहिवार मात्रै थप चारवटा वस भित्याएको छ । समितिले भित्याएका नयाँ वसहरुलाई विहिवार वजार परिक्रर्मा गराइएको थियो ।
प्रालिले शनिवार देखि सेवा शुरु गर्दै
मालिका–कालिका यातायात प्रालिले शनिवार देखि सेवा शुरु गर्ने जानकारी दिएको छ । सेवाको उद्घाटन शनिवार विहान ८ बजे तुलसीपुरको अरनिको मैदानमा एक औपचारीक कार्यक्रमका वीच गर्ने प्रालिका महासचिव गेहेन्द्र वलीले तुलसीपुर अनलाइनलाई जानकारी दिए ।
महासचिव वलीका अनुसार वसको उद्घाटन नेपाली काँग्रेसका नेता एवं दाङ क्षेत्र नं.–४ बाट निर्वाचित सांसद वुद्धिराम भण्डारीले गर्ने छन् । प्रालिले भित्याएको पाँच वटा नयाँ डिलक्स वसहरु मध्य शनिवार देखि नै दैनिक एउटाको दरले दाङ–काठमाडौं संचालन गर्ने जनाएको छ । तुलसीपुरवाट काठमाडौं र काठमाडौं वाट दाङका लागि दैनिक एउटा वस रात्री सेवामा संचालन गर्ने महासचिव वलीले जानकारी दिए । नारायण खड्का, Tulsipuronlineबाट
Post a Comment