|
|
|
|
तुलसीपुर बजारबाट काम गरेर घर फर्किदै गरेका तुलसीपुर नगरपालिका वडा नं १८ क्वाङी निवासी जलुस चौधरी आइतबार विहान घर नपुग्दै बाटोमै मृत अवस्थामा फेला परे । घरदेखि करिब ३÷४ सय मिटर टाढाको दुरिमा मृतअबस्थामा फेला परेको इलाका प्रहरी कार्यालय तुलसीपुरले जनाएको छ ।
घटनाको प्रकृति अनुसार खुकुरीले टाउकोमा प्रहार गरी हत्या गरेको इलाका प्रहरी कार्यालय तुलसीपुरका प्रमुख कृष्ण प्रसाईले जानकारी दिए । कसले किन हत्या ग¥यो भन्ने कुरा अझै खुल्न सकिरहेको छैन् ।
त्यसैगरी गत ११ गते खुकुरी प्रहारबाट गोल्टाकुरी गाविस १ फुर्केसल्लीमा ३ जना घाइते भएका छन् । तर प्रहरीले लाठी प्रहारबाट घाइते भएको बताएको छ । घटनामा संलग्न केही युवालाई प्रहरीले पक्राउ गरेर सार्वजनिक मुद्दा चलाएको छ ।
त्यसैगरी मंसिर १८ गते हेकुली–७ डाँडाचिसमा खुकुरी प्रहारबाट राजु गिरी घाइते भएका छन् । गिरी माथि खुकुरी प्रहार भए पछि उनका साथीहरुले बदला स्वरुप हेकुली ५ पोटलीमा आफन्तकोमा पूजामा गएका निर्दोष व्यक्तिलाई अन्धाधुन्ध खुकुरी प्रहार गरेको पिडितहरुले बताएका छन् ।
खुकुरी प्रहारबाट तुलसीपुर–११ अश्वाराका महेश डाँगी, सन्तोष भण्डारी र हेकुली ६, लौबस्ताका पृतम बस्नेत घाइते भएका छन् । घाइतेहरुले पवनगरका राजकुमार केसी, मिनु गिरी, ध्रुव विक, टोपजंग गिरी, र रवि योगीका नाममा किटानी जाहेरी दिएको प्रहरीले बताएको छ । राजकुमार गिरीलाई खुकरी प्रहार गर्ने युवाहरुलाई खोज्न प्रहरीसँग पोटलीमा पुगेका युवाहरुले प्रहरीकै बलमा खुकुकरी प्रहार गरेको पिडित घाइतेहरुले आरोप लगाएका छन् ।
यता इप्रका तुलसीपुरका प्रमुख कृष्ण प्रसाईले प्रहरी पुग्नु अघि नै घटना भएको दाबी गर्नु भएको छ । आइतबार क्वाङीमा भएको घटना गम्भिर र चुनौतिपूर्ण भएको भन्दै यसको अनसुन्धान जारी रहेको प्रहरीले बताएको छ ।
‘पछिल्लो सयम अपराधिक घटनामा वृद्धि हुन थालेको हो ?,’ भन्ने प्रश्नमा प्रसाइले त्यसो भन्न नमिल्ने भन्दै खुकुरी प्रयोग गर्ने कुरा तुलसीपुर क्षेत्रका युवाहरुलाई सामान्य जस्तो लागेकाले यस्ता घटना भएको बताए । तर पनि घटना न्युनिकरण गर्न प्रहरी लागि परेको प्रसाईले जानकारी दिए ।
यता मानवअिधकार तथा शान्ति समाजले राजनीतिक संरक्षणका कारण हिंसात्मक घटनामा वृद्धि भएको बताएको छ । शान्ति समाजका केन्द्रिय सदस्य सुशील बस्नेतले कानुन कार्यान्वयनका क्रममा राजनीतिक दलहरुले प्रहरीलाई आफनो प्रभाव र दबाबमा पार्ने भएकाले पनि स्वतन्त्र छानविन हुन नसक्दा अपराधिक कृयाकलाप घट्नुको साटो बढ्न थालेको बताए । केहि समय शान्त रहेको पश्चिम दाङ, पछिल्लो समय अशान्त जस्तै हुन लागेपछि स्थानियहरु त्रसित हुन थालेका छन् । @ratopati
Post a Comment