|
|
|
|
मंसिर २७, दाङ । लामो समयसम्म रक्तदान कार्यक्रम हुन नसक्दा यतिखेर जिल्लामा रगतको अभाव हुन थालेको छ ।
रक्तसञ्चार केन्द्र, दाङका प्राविधिक ठाकुर पौडेलले दिएको जानकारीअनुसार अहिले केन्द्रमा ‘एबी’ पोजेटिभ समूहको रगत छैन भने अन्य समूहको रगत पनि न्यून रहेकोछ ।
यस्तै अवस्था रहेमा अबको केही दिनमा बिरामीलाई रगतको समस्या पर्न सक्ने पौडेलले बताए ।
रेडक्रस दाङका अध्यक्ष नारायणप्रसाद शर्माले रक्तदान गरेर रगतको अभाव पूर्ति गरिदिन सम्पूर्ण महानुभाव, संघसंस्था, शुभेच्छुकलाई अनुरोध गरेका छन् ।
दाङमा महिनामा १५० देखि २०० प्वाइन्टसम्म रगत खपत हुने गरेको रक्तसञ्चार केन्द्रले जनाएको छ ।
Post a Comment