|
|
पुस १९, दाङ । शनिबार देखी दाङ काठमाडौ डिलक्स बस सञ्चालन गरेको मालिका कालिका प्रालीको बस माथी ढुंगा प्रहार भएको छ ।
बेलुकी सवा ५ बजे तुलसीपुरबाट काठमाडौका लागि छुटेको ना ६ ख ९२८ नम्बरको बस माथी घोराहीको तुलसीपुर चोकमा ढुंगा प्रहार भएको हो । ढुंगा प्रहारबाट बसको दाँया भागको ३ वटा सिसा फुटेको छ ।
ढुंगा प्रहारमा संलग्न रहेको आंशकामा अनुसन्धानका लागि प्रहरीले दुई जनालाई नियन्त्रणमा लिएको छ । ओवरराज टमाटा र दिपककुमार खत्री सहित १४ वटा मोटरसाईकल नियन्त्रणमा लिएको दाङका प्रहरी प्रमुख, प्रहरी उपरिक्षक कुबेर कडायतले जानकारी दिए ।
bsमालिका कालिका प्रालीले बसमा ढुंगा प्रहार राप्ती अञ्चल सार्वजनिक यातायात व्यवसायी समितिका व्यक्तिहरुले गरेको आरोप लगाएको छ । उता प्रहरीले अनुसन्धान भैरहेको प्रतिक्रिया दिएको छ । तुलसिपुर बाटै धानखोला सम्म दाङ प्रहरीले बसलाई स्कटीङ गरेर काठमाडौ पठाएको छ ।
शनिबार बेलुका घोराहीमा पनि प्रहरीको स्कटिङ कै क्रममा बसमा ढुंगा प्रहार भएको थियो । महिना दिन अघि देखी नै प्रालीले बस सञ्चालनको तयारी गरिरहदा आक्रमण हुदै आएको छ । प्रालीका बस सञ्चालक माथी आक्रमण र बसमा ढुंगा प्रहार हुदै आएपछि प्राली र राप्ती समितिका पदाधिकारीलाई शुक्रबार प्रमुख जिल्ला अधिकारी दिपक काफ्लेले बोलाएर कानुन सम्बत चल्न र स्वच्छ प्रतिस्पर्धा गर्न निर्देशन दिएका थिए ।
तर शनिबार प्रालीले बस सञ्चालनको उद्घाटनका लागि सांसद बुद्धिराम भण्डारीलाई बोलाए पनि राप्ती समितिले त्यहाँ नजान दवाव दिएपछि भण्डारी गएका थिएनन् । प्रालीले दैनिक दाङ काठमाडौका लागि ३ वटा बस सञ्चालन गर्ने र प्रतिव्यक्ति एक हजार रुपैयाँ भाडा निर्धारण गरेको छ । प्रालीले दाङमा ७ वटा डिलक्स एसी बसहरु भित्र्याएको छ । Tulsipuronlineबाट
Post a Comment