|
|
|
|
आगामी पाँचवर्षका लागि हुन थालेको निर्वाचनमा सभापतिमा ३ जना, सचिवमा २ जना र कोषाध्यक्षमा २ जनाले उम्मेदवारी दर्ता गराउनुभएको छ । निर्वाचन समितिका अनुसार सभापतिमा कीर्तिबहादुर खड्का, अनिता देवकोटा र कमलकिशोर घिमिरेले प्रतिष्पर्धामा हुनुहुन्छ । त्यस्तै सचिवमा शंकर डाँगी र सर्वजित डाँगीका बीचमा भिडन्त हुनुहुन्छ । त्यस्तै कोषाध्यक्षमा सावित्रा राना र कृष्ण चौधरीले उम्मेदवारी दर्ता गराउनुभएको छ ।
यसैबीच मतदान सुरु भएसँगै नेतृत्वको चर्चा सुरु भएको छ । उम्मेदवारहरुले आ–आफ्नो विजय दावी गरे पनि सभापतिमा कीर्तिबहादुर खड्काको पल्ला भारी भएको विश्लेषण थालिएको छ । खड्कालाई ४ वटा क्षेत्रीय समिति, ३ वटा नगर सभापतिहरुको समर्थन रहेकाले उहाँको विजय सुनिश्चित भएको उहाँ निकटस्त स्रोतको दावी छ । उहाँले कुल ६३९ मतमा ३५० बढी मत ल्याउने स्रोतको दाबी छ ।
त्यस्तै सभापतिका उम्मेदवार अनिता देवकोटा निकट स्रोतले आजको निर्वाचनमा देवकोटा दोस्रो हुने र कुनै पनि उम्मेदवारको ५१ प्रतिशत मत नपुगेपछि भोलि हुने निर्वाचनबाट देवकोटा विजयी हुने दाबी गर्छ । स्रोतले देवकोटाको पक्षमा २०० मत रहेको र भोलि हुने निर्वाचनमा तेस्रो हुने कमल किशोर घिमिरेको १०० मत देवकोटालाई प्राप्त हुने भन्दै सभापतिमा देवकोटा नै विययी हुने दाबी गर्छ ।
उता युवाहरुको समर्थनमा उम्मेदवारी दर्ता गराउनुभएका कमलकिशोर घिमिरेले आफ्नो विजय सुनिश्चित भएको दाबी गर्नुभएको छ । त्यस्तै सचिवमा शंकर डाँगी र कोषाध्यक्षमा सावित्रा रानाको पल्ला भारी भएको विश्लेषण थालिएको छ ।
नेतृत्वका लागि मतदान सुरु भइरहँदा सचिव र कोषाध्यक्षमा आज नै शंकर डाँगी र सावित्रा राना विजयी हुने भए पनि सभापतिका लागि भोलि पुनः निर्वाचन हुने अड्कल कांग्रेस वृत्तमा सुरु भएको छ । सभापतिमा कीर्तिबहादुर खड्का नै विजयी हुने प्रायः निश्चित भइसकेको कांग्रेसवृत्तमा चर्चा चल्न सुरु भइसकेको छ । dangkhabarबाट साभार
Post a Comment