|
|
|
|
प्रालिका महासचिव मदनबहादुर बस्नेतले तुलसीपुर ५ बसपार्कको पुलचोक स्थित कार्यालयवाट सोमवार दिउँसो १ बजेदेखि यात्रुको लागि टिकेट बुकिङ खुल्ला गर्न लागिएको जानकारी दिए ।
उनले आज सोमवार देखि टिकेट बुकिङ सुरु गर्ने र जसले आफ्नो समितिमा पहिलो टिकेट काट्छ उक्त व्यक्तिको हातवाटै वस सेवाको उद्घाटन गर्न दिने निर्णय आफूहरुले गरेको जानकारी दिए ।
उद्घाटन भने भोलि (मंगलवार) विहान ११ बजेपछि तुलसीपुरको अरनीको मैदानमा गरिने महासचिव बस्नेतले तुलसीपुर अनलाईनलाई बताए । गत फागुन ५ गते ३ वटा नयाँ डिलक्स वसहरु भित्र्याएको दाङ प्रालिका थप २ वटा बसहरु यो खबर तयार पार्दे गर्दा लमहीमा आईपुगेको जानकारी दिइएको छ ।
प्रालिको एउटा बस भने काठमाडौंमा राखिएको जानकारी दिइएको छ । तत्काल ६ वटा वसहरु बाट दाङ काठमाडौं सेवा दिने बताएको दाङ प्रालिले मंगलवार तुलसीपुरबाट एउटा वस काठमाडौं पुगेपछि काठमाडौंबाट दाङ फर्किदा दुईवस दाङ आउने जानकारी महासचिव बस्नेतले दिए ।
५ गते ३ वटा नयाँ डिलक्स वसहरु भित्र्याएको दाङ यातायात सेवा प्रालिले सुरक्षाको कारण देखाउँदै विगत ४ दिने देखि आफ्ना ति बसहरु तुलसीपुर ९ स्थित सशस्त्र वेश क्याम्प दोघरेमा राख्दै आएको छ । सर्वसुलभ रुपमा यात्रु मैत्री वातावारणमा सेवा प्रदानगर्ने प्रालिले दाबी गरेको छ ।
भटाभट प्रालिका गाडीहरु भित्रनुले भाडामा समेत प्रतिपर्धा हुनु थालेको छ । मालिका–कालिका प्रालिले दाङ काठमाडौंको डिलक्स भाडा १ हजार रुँपैया निर्धारण गरेको छभने दाङ प्रालिले त्यो भन्दा २५ रुँपैया सहुलियत दिने भएको छ ।
एउटा यात्रुले दाङ प्रालिको डिलक्स वसमा दाङदेखि काठमाडौं जान ९ सय ७५ रुँपैया तिर्नुपर्ने महासचिव बस्नेतले जानकारी दिए । त्यस्तै राप्ती अंचल सार्वजनिक यातायात समितिले नर्मल वसहरुमा दाङ काठमान्डौंका लागि प्रति यात्रु ८ सय, डिलक्स वसमा ९ सय ८० र एसी वसमा १ हजार १ सय ४५ रुँपैया भाडा निर्धारण गरिएको राप्ती समितिका डायल इञ्चार्ज प्रकाश भट्टले जानकारी दिए । -नारायण खड्का,Tulsipuronlineबाट साभार
Post a Comment