|
|
|
|
फागुन ७, दाङ । दाङको राजपुर–१ फोहरा गाउँमा बिहिवार दिउँसो चुरोटको ठुटोका कारण आगलागी भएको प्रहरीले बताएको छ ।
स्थानीय मायाराम यादवको गोठबाट सल्केको आगोले ७९ वटा घर ध्वस्त पारेको थियो। आगलागीबाट अन्दाजी ६१ लाख ७५ हजार बराबरको क्षति भएको जिल्ला प्रहरी प्रमुख कुवेर कडायतले जानकारी दिए ।
तीब्र गतिमा हावाहुरी चलेकोले आगोले एक पछि अर्को गर्दै ४९ घर गोठ र ३० वटा परालको टौवा जलेर नष्ट भएको एसपी कडायतले बताए । स्थानीयले चुरोट खाएर ठुटो फालेका कारण आगलागी भएको ईलाका प्रहरी कार्यालय गढुवाका प्रमुख राजु थापाले बताए । दिउँसो २ बजे सल्किएको आगो साढे ४ घन्टा पछि बेलुका साढे ६ बजेपछि मात्रै नियन्त्रणमा आएको थियो ।
अग्नि पीडित परिवारलाई प्रतिपरिवार ६ हजार आर्थिक राहत प्रदान गरिने भएको छ । जिल्ला दैबी प्रकोप उद्धार समिति र जिल्ला विकास समितिको शुक्रवार विहान बसेको बैठकले त्यस्तो निर्णय गरेको हो ।
दाङका निमित्त प्रमुख जिल्ला अधिकारी भरतकुमार बुढाथोकीको अध्यक्षतामा बसेको बैठकमा जिल्ला प्रशासनको तर्फवाट ५ हजार र जिल्ला विकास समितिको तर्फवाट १ हजार गरि प्रतिपरिवार ६ हजार आर्थिक राहत शुक्रवार नै उपलब्ध गराउने निर्णय गरेको हो ।@setopatiबाट
Post a Comment