|
|
प्यूठान १७-फागुन / जिल्ला विकास समिति प्यूठानको २३ औँ जिल्ला परिषद्ले आगामी आर्थिक वर्ष २०७३/७४ का लागि पौने तीन अर्व बजेट विनियोजन गरेको छ ।
आवधिक जिल्ला विकास योजनाले कृषि, पर्यटन र ऊर्जालाइ प्राथमिकता दिँदै २ अर्व ७४ करोड १९ लाख रुपैयाँको बजेट विनियोजन गरिएको छ ।
पूँजिगत तर्फ १ अर्व ९३ करोड ४३ लाख ५२ हजार र चालुतर्फ ६१ करोड ९ लाख ३४ हजार रुपैयाँ बजेट विनियोजन गरिएको स्थानीय विकास अधिकारी शिव प्रसाद रेग्मीले जानकारी दिए । परिषद्ले जिल्लाको पूर्वाधार तथा संरचना विकासमा १ अर्व ३७ करोड ८४ लाख ९४ हजार बजेट विनियोजन गरेको छ ।
कृषि, वन वातावरणमा ३७ करोड ७० लाख २३ हजार, जलश्रोत तथा भूमि अन्तर्गत २८ करोड ४ लाख ६७ हजार र जनसंख्या तथा सामाजिक विकास अन्तर्गत ७० करोड ५९ लाख ४० हजार रुपैयाँ बजेट छुट्टाईएको छ । अघिल्लो आर्थिक वर्षको तुलनामा आ.व. २०७३-७४ मा प्रस्तावित बजेट २ प्रतिशतले बृद्धि भएको स्थानीय विकास अधिकारी रेग्मीले बताए ।
अघिल्लो आर्थिक वर्ष जिल्लामा साढे ५९ प्रतिशत कि.मि.सडक ग्राभेल, ५५ कि.मि. ग्रामीण सडकको स्तरोन्नती, ५६ कि.मि.नयाँ ट्र्याक निर्माण, २० वटा खानेपानी योजना, ६ वटा झोलुंगे पुल निर्माण र १० कि.मि. विद्युत्त लाईन विस्तार गरिएको छ ।
जिल्लामा संचालित मुख्य सडकहरुलाई बाह्रै महिना संचालन हुने गरि नियमित मर्मत कार्यलाई नीति तथा कार्यक्रममा समावेश गरिएको छ । विकास निर्माणमा जनसहभागीता नजुट्नु, स्थानीय निकाय जनप्रतिनिधी विहिन हुनु, सडक सञ्जाल विस्तार गर्दा हेभि मेशिनको प्रयोगले वातावरणमा पर्ने असर, कृषि, पर्यटन, ऊर्जा र घरेलु उद्यमबाट संचालन गरिने आय आर्जनका कार्यक्रमबाट लक्षित वर्गमा अपेक्षा अनुसार व्यवसायीकरण हुन नसक्नु लगाएतका समस्याले जिल्लाको विकास निर्माणमा चूनौती देखिएको रेग्मीले बताए ।
आ.व. २०७१÷७२ मा जिल्लाको आन्तरिक आय २ करोड ४६ लाख ३८ हजार ३ सय ६० रुपैयाँ थियो । ‘अघिल्लो आ.व.को तुलनामा ६६ प्रतिशतले आन्तरिक आय बढेको रेग्मीले बताए । यसैविच, परिषद्मा उत्कृष्ट कार्यसम्पादनको आधारमा यहाँको पकला गाविसलाई सम्मान गरिएको छ ।
उदयपुरकोट गाविस सचिव लिलाराम सोमै मगर, जिल्ला विकास कार्यालयमा कार्यरत कम्पयूटर सहायक अपरेटर विरेन्द्र मल्ल, जिल्ला प्राविधिक कार्यालयका सव इञ्जिनियर दिनेश के.सी, पत्रकार सुशील पोख्रेललाई नगद र प्रमाणपत्रले सम्मानति गरिएको छ । त्यस्तै, पूर्ण साक्षर जिल्ला घोषणा गराउन महत्वपूर्ण भूमिका निर्वाह गरेको भन्दै जिल्ला शिक्षा कार्यालय र पूर्ण खोपयूक्त जिल्ला घोषणा गर्न विशेष योगदान पु¥याउने जिल्ला स्वास्थ्य कार्यालय प्यूठानलाई पुरस्कृत गरिएको छ ।
विकास साझेदारतर्फ उत्कृष्ट कार्यसम्पादनको आधारमा पश्चिम नेपाल ग्रामीण खानेपानी तथा सरसफाई परियोजना र उत्कृष्ट गैर सरकारी क्षेत्रको तर्फबाट टिकुरी सक्रिय यूवा समूह विजुवारलाई पुरस्कृत गरिएको छ । परिषद्मा गतवर्षको एसएलसी परीक्षामा जिल्लाबाट सामुदायिक विद्यालयको तर्फबाट उत्कृष्ट अंक ल्याउने छात्र÷छात्राहरुलाई नगद र प्रमाणपत्रले पुरस्कृत गरिएको छ ।
कार्यक्रममा प्यूठान क्षेत्र नम्वर २ का सांसद् हिराबहादुर केसी., सांसद् धनबहादुर रायमाझी, पुनाराम थापा र दुर्गा पौडेलले जिल्लाको समग्र विकासमा सवै दलहरु एकजुट भएर अघि बढ्नुपर्नेमा जोड दिए । उनीहरुले एकजुट भएर जिल्लाकै विकासमा लाग्नुपर्ने बताए । कार्यालय प्रमुखको तर्फबाट जिल्ला न्यायधिश बासुदेव न्यौपानेले शुभकामना मन्तव्य राखेका थिए ।
यसैविच, पूर्व पश्चिम राजमार्ग अन्तर्गत दाङको कालाकाटे, राम्री, बगाले, एमेलिया र जुरेली लगाएतका स्थानहरुबाट ठेकेदारहरुले अनाधिकृत रुपमा कर असुल्दै आईरहेकोले यसलाई रोक्न प्यूठान उद्योग वाणिज्य संघले संघिय मामिला तथा स्थानीय विकास मन्त्री कमल थापालाई ज्ञापनपत्र बुझाएको छ । करिव एक दशकदेखि अवैध करबाट प्यूठानका व्यवसायीहरु मारमा पर्दै आईरहेका संघका अध्यक्ष ज्ञामुराम न्यौपानेले बताए ।
यस्तै, गाउँ विकास समिति कर्मचारी संघ नेपाल जिल्ला कार्यसमिति प्यूठानले स्थानीय निकायमा कार्यरत विभिन्न क्षेत्रमा कार्यरत कर्मचारीहरुलाई व्यवस्थापन सहित सेवा सुविधा सुनिश्चित गरिदिन आग्रह गर्दै मन्त्री थापालाई विभिन्न ६ बुँदे ज्ञापन पत्र बुझाएको छ ।
स्थानीय निकायमा कार्यरत कर्मचारीहरुलाई प्रक्रिया पु¥याई अस्थायी कर्मचारीलाई स्थायी गर्नुपर्ने, भूकम्पपछि स्थानीय निकायमा प्राविधिकहरुको आवश्यक देखिएकाले कर्मचारी व्यवस्थापन र दरवन्दी पदपूर्ति गर्नुपर्ने, योग्यता कार्यदक्षताको आधारमा कर्मचारीहरुलाई पदीय जिम्मेवारी दिने र विद्यमान ऐन नियम संशोधन गरी सचिव रिक्त रहेको गाविसमा सोही गाविसका कर्मचारीलाई निमित्त दिनुपर्ने लगाएतका मागहरु सम्वोधनका लागि मन्त्री थापालाई ज्ञापनपत्र बुझाईएको संघका जिल्ला अध्यक्ष बासुदेव गिरीले जानकारी दिए । केशर रोका, तुलसीपुरअनलाइनबाट साभार
Post a Comment