|
|
|
|
तुलसीपुर १०-फागुन /धनौरी सेक्टर वन कार्यालय तुलसीपुरले वनजंगलमा लाग्ने संभावित डढेलो नियन्त्रणका लागि तयारी थालेको छ । सेक्टर अन्तर्गत रहेका पाँचवटा इलाका वन कार्यालयमा डढेलो नियन्त्रण समाग्री पठाईसकेको निमित्त सेक्टर वन प्रमुख दिपक रिग्मीले जानकारी दिए ।
सेक्टर वनले पुरन्धारा, बैबाङ, चिराघाट, कौशिलापुर र तुलसीपुर इलाका वन कार्यालयमा पानी फाल्ने फोहरा, हेल्मेट, ज्याकेट, जुत्तामोजा, पञ्जा, बेल्चा, पत्ता, लाइट लगाएतका सामाग्री पठाइएको छ ।
गर्मी सुरु भए संगै दाङमा हावाहुरी चल्न थालेको छ । विशेष गरि फागुन देखि जेठको अन्तिम साता सम्म हुने प्रचण्ड गर्मीमा वनजंगलमा लाग्ने डढेलोका कारण दाङका सयौं हेक्टर क्षेत्रफलमा आगलागीका घटनाहरु हुने गर्छन ।
गएको बर्ष, बैशाख महिना देखि जेठ महिनाको विभिन्न समयमा पश्चिम दाङमा १ हजार ८ सय हेक्टर क्षेत्रलफल रहेको वनजंगलमा डढेलो लाग्दा ठूलो नोक्सानी पुगेको थियो । जस अअन्तर्गत १ हजार १ हेक्टर क्षेलफल राष्ट्रिय वन र ८ सय ८.५ हेक्टर सामूदायीक वनमामा डढेलो लागेको सेक्टर वनका फरेष्टर ध्रुव गौतमले जानकारी दिए ।
यसैविच वनका कर्मचारीहरु राष्ट्रिय वनमा प्राय नजाने गरेका कारण वन जंगलको संरक्षण र सम्वद्र्धन हुन नसकेको सामूदायिक वन महासंघ दाङकी उपाध्यक्ष हुमा डिसीको भनाइ छ । राष्ट्रिय वन, समूदायलाई प्रकृया पु-याएर हस्तान्तरण गर्न जिल्ला वनले जति ढीला गर्छ त्यति नै वन विनास हुने महासंघले बताएको छ ।
यता धनौरी सेक्टर वनले मानव बस्ती देखि राष्ट्रिय वन धेरै टाढा भएकाले संरक्षणमा केहि चूनौति थपीएको बताएको छ । राष्ट्रिय वन त होनि भनेर उपभोक्ताहरुले आफनो वन जोगाएर राष्ट्रिय वन मास्ने गरेको निमित्त सेक्टर प्रमुख दिपक रेग्मीले बताए ।Tulsipuronlineबाट साभार
Post a Comment