|
|
|
|
५ करोड आर्थिक संकलन गरी दोघरेस्थित तुलसीपुर उद्योग वणिज्य संघको स्वामीत्वमा रहेको ४ कठ्ठा जमिनमा थप जमिन खरीद गरि सभाहल निर्र्माण गर्ने उदेश्यले महापुराण सञ्चालन गरिएको थियो । महापुराणको आज बुधबार समापन कार्यक्रममा प्रमुख अतिथि पुनराबेदन अदालत तुलसीपुरका न्यायाधिस श्रीमनकुमार न्यौपानेले ज्ञान,मन र धन भएका मनकारीबाट ठुलो रकम संकलन भएको भन्दै खुसी ब्यक्त गर्नुभयो ।
उहाँले धनमात्र संकलन भएन ज्ञान पनि प्राप्त गर्न यहाका नागरिकले पाएका छन् उहाले भन्नुभयो । खासगरि धार्मिक बिश्वास र ज्ञान बृद्धिका लागि यस्ता कार्यक्रम हुन पर्ने सुझाब दिनुभयो । उक्त कार्यक्रममा बाचक दिनबन्धु पोख्रेलले समुदायको सहयोगमा ठुला ठुला काम बन्न सक्ने बताउनुभयो । उहाले आफु पुर्बि नेपालबासीन्दा भएपनि यस क्षेत्रको बिकासका लागि आफ्नो तर्फबाट सहयोग गर्ने प्रतिबद्धता जनाउनुभयो ।
कार्यक्रममा तुलसीपुर नगरपालीकाका कार्यकारी अधिकृत डिल्लीराज बेल्बासेले सामाजमा सबै एक भएर साकारात्मक काम गर्ने अठोट लिन सके पुरा हुन्छ भन्ने उदाहरण तुलसीपुरमा भएको बताउनुभयो ।
गत माघ १९ गतेदेखि आज २७ गते सम्म सञ्चालन गरिएको महापुराणबाट संकलन भएको कुल रकमको केही समय पछि सार्बजनिक गरिने बताएको छ । हिजो मंगलबार सम्म झण्डै सवा २ करोड संकलन भएको छ ।
समापन कार्यक्रमको अध्यक्षता महापुराण मुल आयोजक समितिका संयोजक डिल्लीबहादुर बस्नेतको अध्यक्षतामा भएको थियो भने सहजीकरण महासचिब नेत्रलाल वलीले गर्नुभएको थियो ।
उक्त अबसरमा बिभिन्न ब्यक्ती तथा संघ संस्थालाई प्रमाण पत्र बितरण गरिएको थियो । यसैबिच महोत्सव अवधिभर संचालन गरिएको एक हप्ते योग विज्ञान शिविरको समापन गरिएको छ । विहान ५ वजे देखी ७ बजेसम्म चल्ने गरेको शिविरमा मुख्य योग प्रशिक्षक देवराज आचार्य प्रशिक्षक रहनु भएको थियो भने लक्ष्मी घर्ति, रीना श्रेष्ठ, बामदेव धिताल तथा आशा देवकोटाले सहयोगीको भुमिका निभाउनु भएको थियो ।
Post a Comment