|
|
|
|
घोराही, १४, फागुन । घोराही सिमेन्ट उद्योगको चुनढुंगा खानीमा काम गरिरहेको स्काभेटरमा अज्ञात समुहले आगजनि गरेको छ ।
काभ्रे गाबिस ४ तापामा रहेको उद्योगको चुनढुंगा खानीमा बुधबार राती ८-१० जनाको संख्यामा आएका नचिनेका व्यक्तिहरुले ३८० पिसी स्काभेटरमा आगजनी गरेर फरार भएका हुन् ।
टिप्परमा चुनढुंगा लोड गरिरहेको अबस्थामा आएका ति व्यक्तिहरुले चालकलाई निकालेर डिजेल छर्केर आगोलगाएको उद्योगका जनसम्पर्क अधिकारी अमर सुबेदीले जानकारी दिए । ३-४ लिटरको जरकीनमा डिजेल लगेका र माक्स लगाएर गएका उनिहरुले आगो लगाएर भागेका थिए । आगजनिबाट ९० प्रतिशत जलेको उद्योगले जनाएको छ ।
साथै उनिहरुले एउटा टिप्परको सिसा समेत ढुंगाले हानेर फुटाएका छन् । यता प्रहरीले घटना स्थलमा पुगेर मुचुल्का उठाएको बताएको छ । तर आगजनी गर्नेहरुको पहिचान नभएको र खोजी तथा अनुसन्धान भैरहेको दाङका प्रहरी प्रमुख एसपी कुबेर कडायतले जानकारी दिएका छन् । तुलसीपुरअनलाइनबाट
Post a Comment