|
|
|
|
फागुन ११, रोल्पा । जिल्लामै ठूलो र भव्य कार्यक्रम गर्दै आएको सन स्टार युवा क्लब रोल्पाले क्लबको चौथो र सनस्टार साप्ताहिक पत्रिकाको तेस्रो वार्षिकोत्सवको तयारी तीब्र रुपमा भइरहेको जनाएको छ ।
फाल्गुन १५ गतेदेखि २० गतेसम्म सदरमुकाम लिबाङमा हुने कार्यक्रममा विविध खेलकुद तथा सांस्कृतिक कार्यक्रमको आयोजना गरिएको छ । क्लबका अनुसार अहिलेसम्मकै ठूलो राशीको जिल्लास्तरीय खुला फुटबल प्रतियोगिता गरिँदैछ ।
क्लबले वार्षिकोत्सवको अवसरमा आयोजित खुल्ला फुटबलमा प्रथम हुनेले रु. ६५ हजार ५ सय ५५ प्राप्त गर्नेछन् । त्यस्तै द्वितीय हुनेले रु. ३५ हजार, तृतीय हुनेले रु. २५ हजार र सान्त्वना हुनेले रु. १० हजार नगद प्राप्त गर्नेछन् ।
त्यस्तै एथलेटिक्स, जिल्लास्तरीय डबल व्याडमिन्टन, घैंटाफोर, भालेपकड लगायतका प्रतियोगिताहरु समेत आयोजना गरिएको क्लबका अध्यक्ष पूर्ण केसीले जानकारी दिनुभयो । उद्घाटनका अवसरमा भव्य मार्चपास, गीत–नृत्य, तेक्वाण्डो, कराँते, बक्सिङ लगायतका खेलाडीहरुबाट डेमोष्ट्रेशन समेत गरिने अध्यक्ष केसीले बताउनुभयो ।
वार्षिकोत्सव अवधिभर सुनछहरी कला केन्द्र, होलीभिजन मावि, तुलसी मावि, बालकल्याण उमावि लगायतले विविध सांस्कृतिक कार्यक्रम प्रस्तुत गर्ने बताइएको छ । साथै हरेक साँझ हाउजी विङ्गो तम्बोला खेल समेत हुने आयोजकले बताएको छ ।
सनस्टार साप्ताहिक पत्रिकाले मैत्रीपूर्ण फुटबल आयोजना गर्ने
त्यस्तै सनस्टार साप्ताहिक पत्रिकाको तेस्रो वार्षिकोत्सवको अवसरमा मैत्रीपूर्ण फुटबल प्रतियोगिताको आयोजना गरिने भएको छ । पत्रिकाको तेस्रो वार्षिकोत्सवको अवसरमा जिल्लास्थित राजनैतिक दल÷कर्मचार र पत्रकार÷साहित्यकार बीच मैत्रीपूर्ण फुटबल प्रतियोगिता गरिने पत्रिकाका कार्यकारी सम्पादक नवीन लोचनमगरले जानकारी दिनुभयो ।
मैत्रीपूर्ण फुटबल प्रतियोगिताका विजेताले नगद रु. ५ हजार प्राप्त गर्ने बताइएको छ । सोही अवसरमा विभिन्न व्यक्तित्वलाई सम्मान गर्ने कार्यक्रम समेत रहेको प्रकाशक पूर्ण केसीले जानकारी दिनुभयो । -राप्ती टुडेबाट
Post a Comment