रुकुममा हतियारसहित दुई जना पक्राउ

फागुन ११, रुकुम । रुकुमको छिबाङ गाबिसबाट प्रहरीले हतियार सहित २ जनालाई पक्राउ गरेको छ । रुकुमको छिबाङ गाबिस वडा नं ३ गोठेखोलाका बर्ष ४६ का मानसिंह पुन र २० बर्ष २० का प्रेमकुमार रोकालाई घरमा राखेको हतियार सहित पक्राउ गरेको हो ।

उनीहरुले अबैध हातहतियार लुकाईछिपाई राखेको भन्ने बिशेष सूचनाका आधारमा आफ्नो निर्देशनमा प्रहरीले पक्राउ गरेको  प्रहरी नायव उपरीक्षक रुपेश खड्काले बताए ।

घरमा खोजतलास गर्दा प्रेम कुमार रोकाको घर बाट भरुवा बन्दुक १ थान, बारुद राखिएको डिब्बा २ थान, बारुद बनाउन प्रयोग गरिने सलाई १० थान, गोली जस्तो ढुङगा ७ थान र अर्का मानसिह पुनको घर बाट भरुवा बन्दुक बनाउन प्रयोग हुने फलामको नाल २ थान, फलामको गज १ थान र भरुवा बन्दुक बनाउन प्रयोग हुने निमार्णधीन अबस्थामा रहेको बन्दुक आकारको काठ १ थान  समेत प्रहरीले  फेला पारेको बताएको छ ।

प्रहरीले हातहतियारहरु बरामद गरी निजहरुलाई समेत पक्राउ गरी कानुन बमोजिम अनुसन्धान कार्य अगाडी बढाईएको बताएको छ । उनीहरुलाई  हातहतियार तथा खरखजना ऐन २०१९ बमोजिम ३ बर्ष देखी ५ बर्ष वा रु ६० हजार देखी १ लाख सम्म जरिवाना वा दुबै सजाय हुन सक्ने प्रहरीको भनाई छ । जिल्ला प्रहरी कार्यालय रुकुममा मंगलबार घटनाबारे जानकारी गराइएको थियो । धनाबिर दाहाल, nepalpaatiबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..