|
|
|
|
तुलसीपुर ११-फागुन / रुख काट्ने क्रममा च्याँपीर दाङमा एक जनाको मृत्यु भएको छ । तुलसीपुर १५ ग्वारखोलाका ३४ बर्षिय गोपाल केसीको हिजो दिउसो रुखले च्यापिएर मृत्यु भएको हो ।
हिजो दिउसो ३ बजे बुलझुण्डीमा काट्दै गरेको जिगटको रुखले च्यापिएर केसीको घटनास्थलमै मृत्यु भएको मृतकका छिमेकी तिलकराम खनालले जानकारी दिनुभयो । रुख अर्को तर्फ ढल्ला भनी अनुमान गरे पनि काटीरहेका ब्यक्ति भएको तर्फ ढलेर च्यापेको थियो ।
यसैबीच रुख काट्न लगाउने ठेकेदारलाई प्रहरीले नियन्त्रणमा लिएको छ । घटना लगत्तै प्रहरी चौकी हेमन्तपुरे बिजौरीका ठेकेदार मधुसुदन थापालाई नियन्त्रणमा लिएर इलाका प्रहरी कार्यालय तुलसीपुरलाई बुझाएको हो ।
ठेकेदार थापा र मृतक केसी सँगै रुख काट्न गएका तुलसीपुर १५ का होमलाल थापालाई पनि आवश्यक शोधपुछका लागि नियन्त्रणमा राखिएको इलाका प्रहरी कार्यालय तुलसीपुरले जनाएको छ । नारायाण भण्डारी, तुलसीपुरअनलाइनबाट
Post a Comment