|
|
|
|
रुकुम २-फागुन / सिस्ने हिमाल बस तथा मिनिबस यातायात समिती रूकुमले सिम्ली देखि नेपालगन्ज सम्म सिधा बस सेवा सुरू गरेको छ ।
आईतबार ना ४ ख ५७३६ नम्बरको बस बिहान ६ बजे सिम्ली देखी दाङ हुँदै नेपालगञ्ज प्रस्थान गरि सेवाको उद्घाटन गरिएको हो ।
अब हरेक बिहान ६ बजे देखि नेपालगञ्जका लागि सिम्लीबाट बस छुट्ने बुकिङ काउन्टरका कर्मचारी दिपक चनाराले जानकारी दिए । सिम्ली देखि नेपालगञ्जको भडादर १ हजार रुपैयाँ निर्धारण गरिएको छ ।
बस सेवा सुरू भएपछि सिम्ली, अर्मा, गरायला, पूर्तिमकाँडा र दुली लगायतका करिब १ दर्जन गाविसका बासिन्दालाई आवातजावत गर्न सहज भएको हो । बस सेवा सुरू गरेकोमा स्थानीय बासिन्दाले गाडी चालक तथा सञ्चालकलाई फूलमालाले स्वागत गरेको स्थानीय नारायण ओलीले जानकारी दिए । तुल्सीपुरअनलाईनबाट साभार
Post a Comment