|
|
|
|
दाङ, २८, फागुन । दाङको घोराहीमा एसीड आक्रमणवाट विहीवार एक महिला घाईते भएकी छन् । घोराही २ गुलरीया निवासी ३२ वर्षीया रिता चौधरी दुई जना यूवाको एसीड आक्रमणवाट घाईते भएकी हुन ।
घाईते चौधरीलाई राप्ती उपक्षेत्रीय अस्पताल घोराहीमा प्रारम्भिक उपचार पछि थप उपचारका लागि बाँकेको कोहलपुर शिक्षण अस्पतालमा रेफर गरिएको जिल्ला प्रहरी प्रवक्ता प्रकास राज शर्माले जानकारी दिए ।
एसीड आक्रमण बाट चौधरीको देव्रेकान र गालामा घाउ बनेको छ । पिडित चौधरीका आफन्तले मोटरसाईकलमा आएका दुई जनायूवाले चौधरीमाथि सिरिञ्ज बाट एसीड हानेको जानकारी आएको प्रहरीले बताएको छ ।
घाईते चौधरी किराना पसलमा बसेको समयमा विहीवार साँझ सात बजेतिर एसीड आक्रमण भएको थियो । आक्रमणमा परेकी चौधरीका श्रीमान भारतमा रोजगारीका सिलसिलामा पुगेको जानकारी आएको पनि प्रहरीले बताएको छ ।
तर प्रहरीमा एसीड आक्रमणका बारेमा मुद्दा भने दायर भएको छैन । प्रहरीका अनुसार प्रहरीले अस्पतालमा पुगेर घटनाबारे बुझेर आँफै अनुसन्धानको प्रक्रिया सुरु गरेको जनाएको छ । डिएसी शर्माले पिडित पक्षबाट विहीवार सम्म किटानी जाहेरी नपरेको जानकारी दिए । -तुलसीपुरअनलाइनबाट
Post a Comment