|
|
|
|
पहिले रु ५० लाख लागतमा ३० वटा गाई पालेका उनीहरुले हाल माछापालनका साथै आफनै दान उद्योग सञ्चालन गर्न लागेको युवा व्यवसायी विष्णु शर्माले बताए । उनी लगायत पाँच जना युवाहरु मिलेर दूध उत्पादन र माछापालनमा लगानि बढादै गएको बताए ।
गाई पालन वाट यथेष्ट आम्दानी हुने आशा देखेर लगानी बढाउदै गएको शर्माले बताए । जिल्लाकै उहाँहरुले ठूलो लगानीमा सञ्चालित गरेको ओम एग्रीकल्चर प्रालिवाट गाई बाख्राका लागि आवश्यक पर्ने दाना उत्पादन गर्न दाना उद्योग पनि सञ्चालन गर्न लागेको युवाहरुले बताए ।
उनीहरुले गाउँमै कही गनुपर्छ भन्ने मान्यतालाई आत्मसाथ गदै गाईपालनबाट दीर्घकालीन रूपमा मनग्य आम्दानी गर्नका लागि लगानी गरेको शर्माले बताए । कमर्समा एमवियस गर्नु भएका विष्णु र अन्य क्षेत्रमा लामो अनुभव संगालेका युवाहरुले आफनै देशमा गरे केहि हुने भन्ने देखाउन पनि यस्तो व्यवसायी सञ्चालन गरेको अर्का व्यवसायी तिलक शर्माले बताए ।
मेहनत, परिश्रम र सङ्घर्ष गरे नेपालकै भुमिमा स्वरोजगार बन्न सकीन्छ भनेर आफुहरुले सामुहीक कृषि व्यवसायी गरेको युवाहरुको भनाई छ । ‘ लाखौँ रुपैयाँ ऋण गरेर विदेश जानुभन्दा स्वदेशमै केही गर्नुपछ भनेर लागेका हौं, भविष्यमा पक्कै पनि सोचे अनुरुप हुनेछ शर्माले भने ।
फार्ममा जर्सी, गाई, बाच्छाबाच्छी गरी जम्मा ३५ वटा गाई रहेका छन् । दैनिक १५० लिटरसम्म दूध उत्पादन हुन्छ । ‘दूध वेचेर वार्षिक रु १३ लाख बराबरको आम्दानी हुन्छ” माछावाट पाँच लाख जति विष्णुले भने ।
गाईर्फम र माछामा करोड लगानी गरेका युवाहरुले पाँचजनालाई रोजगारी दिएका छन् । ५ विगाह जमिनमा गाई फर्म, माछापालन र दाना उद्योग सञ्चालन गर्न लागेका युवाहरुले गाई लाई आवश्यक घाँस आफैँ उत्पादन गरेको र मलमूत्र माछा , घाँस र तरकारी खेतीमा लगाउने गरेको उनीहरुको भनाई छ ।
मल व्यवस्थापन गरि कम्पोष्ट मल समेत उनीहरुले उत्पादन गर्ने गरेका छन् । त्यसैगरी गाईका लागि उपचार सेवा तथा आवश्यक दाना प्रयाप्त नहुदा भने आफुहरुले सोचे अनुरुप गाईले दूध नदिदा आम्दानी भने सोचे अनुरुप गर्न नसकेको शर्माको भनाई छ । “हामीहरुलाई साढेर अन्य मरामर्शको कमी छ, हाल सम्म कुनै क्षेत्रवाट सयोग प्राप्त भएको छैन्, निजि लगानिमा व्यवसाय सञ्चालन गरेका छौं”, शर्माको भनाई छ । -बालाराम खडका, तुलसीपुर अनलाइनबाट साभार
Post a Comment