|
|
|
|
चक्रपथ निर्माणको प्रक्रिया सुरु भएको ६ वर्ष विति सक्दा समेत अहिले सम्म विधिमै अलमल रहेको छ । चक्रपथको योजना अघि बढाउँदा एकीकृत जग्गा विकास कार्यक्रम विधिबाट बनाउने भनेर नगरपालिकाले सोँच बनाएको थियो । त्यहि अनुरुप काम गर्दा ५१ प्रतिशत उपभोक्ताहरुको सहमति चाहिन्छ ।
चक्रपथ निर्माणका लागि वडा नम्बर एक बाट काम सुरु गरे लगत्तै त्यहाँका केही उपभोक्ताहरुले चक्रपथ निर्माणको विरुद्ध मुद्दा दायर गरेपछि सम्पूर्ण प्रक्रिया रोकिएको छ । २०६६ माघ १० गते घोराही नगरपालिकामा भएको सर्वपक्षिय भेलाले घोराही नगरपालिकाका सबै वडा समेट्ने गरी चक्रपथ बनाउने योजना अघि सारेको हो ।
पूर्व नगर उप प्रमुख दामोदर अधिकारीको अध्यक्षतामा २८ सदस्यीय उपभोक्ता समिति समेत बनेको छ । नगरपालिकाले वर्षेनी पाँच लाख देखि २० लाख रुपैयाँ सम्म बजेट विनियोजन गरिरहेको छ । करीव २८ किलोमिटर लम्वाई रहेको प्रस्तावित चक्रपथ निर्माणका लागि करीव १२ अर्ब रुपैयाँ खर्च लाग्ने प्रारम्भिक अनुमान गरिएको छ ।
चक्रपथ निर्माणका लागि नगरपालिकाले नक्सांकनको काम समेत गरिसकेको कार्यकारी अधिकृत तुफानसिंह केसीले बताए । उपभोक्ता समितिका अध्यक्ष दामादेर अधिकारीले जग्गा प्राप्तिमा सबैभन्दा बढी समस्या देखिएको बताए । सबैबाट सहमती लिन निकै गाह्रो भएको र अब सहमति भइसकेका ठाउँमा ट्रयाक खोल्दै अघि बढ्ने योजना रहेको उनको भनाई छ । तुलसीपुर अनलाइनबाट साभार
Post a Comment