|
|
|
|
चैत -२८, काठमाडौँ । यदि तपाईं बेरोजगार हुनुहुन्छ र ठूला एवम् प्रतिष्ठित कम्पनीमा काम गर्ने चाहना राख्नुहुन्छ भने तपाईंले अन्तवार्ताको सामना गर्नुपर्ने हुन्छ ।
त्यसमा पनि बिषयवस्तुमा सोधे त ठिकै हुन्थ्यो कहिलेकाही यस्ता उट्पट्याङ प्रश्नहरु सोधिन्छन जसको तपाईले सपनामा पनि कल्पना गर्नुभएको हुन्न । कतिपय अवस्थामा रोजगार कम्पनिले पहिले नै उम्मेदवार ठिक पारिसकेको हुन्छ र तपाईको अन्तवार्ता प्रकृया पुराउन मात्र गरिएको हुन्छ भने त्यस्तो अवस्थामा त झनै उट्पट्याङ प्रश्नहरु मात्रै सोधिन्छन ।
अन्तर्वार्तामा तपाईंले गर्न लागेको काम, तपाईंको व्यक्तिगत कुरा तथा कम्पनीकोबारेमा सोध्नुलाई त प्रकुयाको रुपमा मान्न सकिएला तर बिषयवस्तुसँग असम्वन्धित र असान्धर्विक प्रश्न सोध्नुलाई चाँहि के भन्ने ?यहाँ यस्तै १० वटा नमूना उट्पट्याङ प्रश्न समावेश गरिएको छ । पढेर मजा लिनुस्
१. यदि तपाईंलाई १ करोड रुपैयाँ दिएर २४ घण्टाभित्र त्यसलाई दोब्बर बनाउन भनियो भने तपाईं के गर्नुहुन्छ ?
२. बाटो हिँड्दै गर्दा तपाईंले १ हजार र ५ सय दरका दुईवटा नोट देख्नुभयो, अब भन्नुस् तपाईं कुनचाहीँ टिप्नुहुन्छ ?
३.तपाईंले एकबिहानै आफ्नो फ्रिज खोल्दा अचानक त्यसभित्र भालु देख्नुभयो भने के गर्नुहुन्छ ?
४. मैले तपाईंलाई आफ्नै विजनेस सुरु गर्नका लागि १ अर्ब दिने भएँ, तपाईं तत्काल के व्यवसाय थाल्नुहुन्छ ?
५.काठमाडौंमा हट केक बेच्नका लागि तपाईं कुन फण्डा प्रयोग गर्नुहुन्छ ?
६.यदि तपाईंले आफ्नै गिती एल्बम निकाल्ने हुनुभयो भने त्यसको नाम के राख्नुहुन्छ ?
७. मानौं तपाईं कुनै एक प्रतिष्ठित कम्पनीको सिईओ हुनुहुन्छ, अब भन्नुस् बिहान उठेर सबैभन्दा पहिले विजनेसको कुनचाहीँ कुरा चेक गर्नुहुन्छ ?
८. तपाईंले लगाउनु भएको सर्टमा कतिवटा टाँक छन् ?
९. बाटोमा आउदा आउदै तपाईलाई चारैतिरबाट बाघले घेर्यो, अब तपाईं कसरी बच्नुहुन्छ ?
१०. एउटा कोठामा कतिवटा बास्केटबल अटाउन सक्छ ? नेपालपाटीबाट साभार
Post a Comment