दाङको घोराहीमा रुख ढाल्दै, सडक चौडा बनाउदै

घोराही, २२-चैत्र । गएको असोज मसान्तमा सकिनु पर्ने सडक फराकिलो पार्ने कामले दाङको घोराहीमा बल्ल गति लेला जस्तो देखिएको छ । कटुवाखोला देखी तुलसीपुर चोक सम्मको सडकलाई ३० मिटर चौडा बनाउने गरी ठेकेदार कम्पनीले कामलाई तिब्रता दिएको छ ।

बिस्तार गरिने सडकमा रहेका रुख, बिद्युत पोल तथा भवनहरुलाई व्यवस्थापन गर्न सुरु भए सँगै सडक बिस्तारले गति लिन थालेको हो । अहिले ट्राफिक चोकमा रहेका रुखहरु काट्ने काम भैरहेको छ ।

फराकिलो पार्ने क्षेत्र सम्म सडक बिस्तार गर्ने काम जारी रहदा रुख तथा विद्युतका पोलहरु नहटाउदा काममा ढिलाई भएको थियो । अहिले रुखहरु काट्नका लागि ठेक्कापट्टा मार्फत काम तिब्र गतिमा भैरहेको र बिद्युत पोलहरुलाई सार्ने काम पनि छिट्टै हुने मध्यपश्चिम सडक डिभिजन कार्यालय दाङका इन्जिनियर कल्पना अधिकारीले जानकारी दिईन ।

यसैबिच विद्युत पोलहरु हटाउने बिषयमा विद्युत प्राधिकरण र सडक बिच लामो समय सम्म सवाल जवाफ हुदा कामले गति लिन सकेको थिएन । बिद्युतले पोलहरुहटाउने पैसा नभएको बताउने र सडकले त्यसको व्यवस्थापन गर्ने जिम्मा विद्युतकै भएको भन्ने गर्दा काममा ढिलाई हुदै आएको थियो । तर अन्तत विद्युतका पोल तथा तारहरु पुरानै प्रयोग गर्ने र त्यसको व्यवस्थापन सडकले नै गर्ने भएको छ ।

अहिले भैरहेको सडक बिस्तारको काम गएको असोज ३० गते नै सकिनु पर्ने थियो । २०७१ भदौ ११ गते देखी २०७२ असोज ३० गते सम्म सडक फराकिलो पार्ने गर्ने गरि कान्छाराम शंकरमाली जेभी सँग सम्झौता भएको थियो । तर फराकिलो पार्ने, पर्खाल लगाउने काममा घोराही क्षेत्रमा ८१ लाख ९५ हजार
रुपैयाँको मात्रै काम भएको थियो ।

सडक विभागले चालु आर्थीक बर्षका लागि घोराहीमा ६६ लाख रुपैयाँ बिनियोजन गरेको छ । अब घोराहीको फराकिलो पार्ने सडकको काम आगामी असर मसान्त अर्थात चालु आर्थीक बर्ष भित्रै सक्नुपर्ने छ । निमुसंगम घर्ती, तुलसीपुर अनलाइनबाट

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..