|
|
|
|
औषधी व्यवस्था विभाग शाखा कार्यालय नेपालगञ्जबाट विहीवार अनुगमनमा आएको टोलिले त्यस्तो रहस्य उजागर गरिदिएको हो । उसले यहाँका केही औषधी पसल अबैधानिक रुपमा सञ्चालन गरिएको भन्दै सिलवन्दी समेत गरिदिएको छ ।
अनुगमनका क्रममा मेडिकल दर्ता नभएको र बिरामीको उपचार गर्ने व्यक्तिले स्वास्थ्यसंग सम्बन्धित बिषय नै नपढेको पाइएपछी सितलपुर चोक नजिकै रहेको तुलसी हेल्थ क्लिनिक बन्द गराएको औषधी व्यवस्था बिभाग नेपालगञ्जका निरीक्षक सुरज गौतमले जानकारी दिए । उक्त मेडिकलमा अनुमती बिना नै पायल्स रोगको उपचार समेत गरिदै आएको थियो ।
तुलसी मेडिकलका सञ्चालकले औषधी पसल दर्ता गरेको र पायल्स रोगको उपचार गर्ने अनुमती प्राप्त कागजात बिभागमा नबुझाए सम्म मेडिकल बन्द गरिएको विभागका कर्मचारीले बताए । गौतमले तुलसीपुरको जीवन प्रेमी मेडिकलमा नेपाल सरकारले निःशुल्क बितरणका लागि सरकारी अस्पतालमा मात्रै उपलब्ध गराएको,नेपालमा बेच्न प्रतिबन्ध लगाइएका र म्याद सकिएका केही औषधी बेच्न राखिएको अवश्थामा फेला परेको जानकारी दिए ।
ती औषधी अनुगमन टोलीले आफ्नो नियन्त्रणमा लिएको उनले बताए । जीवन मेडिकललाई औषधी एैन अनुसार कारवाही हुने बिभागले जनाएको छ । जीवनप्रेमी मेडीकल र मनोज उपचार क्लिनिकले अर्काे प्रयोजनको लागि प्रमाण पत्र राखेर औषधी व्यवसाय गरेको पाइएको अनुगमन टोलीले जानकारी दिएको छ ।
औषधी पसल गर्नको लागि फार्मेसी पढेको हुनपर्ने र ती व्यक्ति स्वंयम मेडिकल मा उपस्थित हुनुपर्ने भिगाले जनाएको छ । त्यो नपाईएपछि विभागवाट आएको टोलिले मेडीकलमा राखिएका औषधी बेच्ने प्रमाणपत्र समेत नियन्त्रणमा लिएको छ ।
अनुगमन टोलीले औषधी व्यवसायी प्रमाणपत्र वहाकलाई सात दिन भित्र औषधी व्यवस्था बिभागको शाखा कार्यालय नेपालगञ्जमा उपस्थित हुन निर्देशन दिएको छ । त्यस्तै दिर्घायु पोलि क्लिनिकमा राखिएको औषधी पसलेले औषधी पसल सञ्चालन अनुमती पत्र देखाउन नसकेको अनुगमन टोलीले जनाएको छ ।
उक्त औषधी पसललाई शुक्रवार बिहान ११ बजे सबै प्रमाणपत्र पेश गर्न निर्देशन दिइएको छ । पेश गर्न नसके पसल बन्द हुने अनुगमन टोलिले जनाएको छ । त्यस्तै राप्ती अञ्चल अस्पताल अगाडी रहेको पानस मेडीकलमा अनुगमन आएको सूईको पाएपछि बन्द गरेर सञ्चालक भागेको गौतमले जानकारी दिए । तुलसीपुर अनलाइनबाट
Post a Comment