|
|
|
|
सदरमुकाम खलंगादेखि राजधानीका लागि आजबाट औपचारिक रुपमा दिवा सेवा हायस संचालन गरिएको समितिका महासचिव चन्द्रमान श्रेष्ठले जानकारी दिए ।
‘खलंगाबाट विहान पाँच वजेदेखि हायस छुटाएका छौँ’,उनले भने,‘आजदेखि नियमित संचालन भयो ।’ काठमाण्डौँका लागि हाल प्रचलित भाडामा २५ प्रतिशत रकम थप गरिएको उनले जानकारी गराए ।
१३ वर्ष अघि स्थापना भएको समितिले जिल्लाबाट पहिलो पटक हायस सेवा संचालन गरेको उनले जानकारी गराए । हाल समितिमा १ सय २० जना व्यवसायीहरु आवद्ध रहेको उनले बताए । यात्रुहरुको चाहना अनुसार यातायात क्षेत्रलाई समयानुकुल बनाउँदै लैजाने समितिका अध्यक्ष शुनिल बस्नेतले बताएका छन् ।
आगामी भदौ १ गतेदेखि भरतपुर क्यान्सर हस्पिटल चितवनलाई मध्यनजर गर्दै डिलक्स बस समेत संचालन गर्ने तयारी भईरहेको उनले जानकारी गराए । मंगलवार समितिको सभाहल जुम्रिमा गरिएको पत्रकार भेटघाट कार्यक्रममा वोल्दै उनले यात्रुमैत्री व्यवहार, सुरक्षित एवं भरपर्दो यात्रा र समितिका क्रियाकलापहरुलाई पारदर्शी बनाउनेमा आफू सदैव प्रतिवद्ध रहने उल्लेख गरे ।
‘जिल्लामा प्रा.लि.खोल्ने पनि चर्चा चलिरहेको छ’,बस्नेतले भने,‘व्यवसायीहरु छरिएर होईन सँगै सहयात्रा गरेर अघि बढ्नुपर्छ ।’ सडक संचालन भएको स्थानमा यातायात संचालन गर्न आफूहरुले कुनै कन्जुस्याँई नगर्ने समेत उनले प्रतिवद्ध जनाए ।
प्यूठान–काठमाण्डौँ हायस संचालन समय र भाडादर
देखि सम्म समय भाडा(रु)
खलंगा काठमाण्डौँ विहान ५ बजे ११,००।–
बाग्दुला काठमाण्डौँ विहान ५:३० बजे १,०६२।–
जुम्रि काठमाण्डौँ विहान ६ बजे १,०५०।–
चेरनेटा काठमाण्डौँ १,०३७।–
चकचके काठमाण्डौँ १,०१२।–
काठमाण्डौँबाट फर्कने समय
काठमाण्डौँ(गोंगवु बसपार्क छिर्ने गेट) खलंगा विहान ६ बजे
काठमाण्डौँ(विजिमल) स्वर्गद्धारी विहान ६ः३० बजे
काठमाण्डौँ सम्पर्क नं. : ९८६६८३३३९९
स्रोत : स्वर्गद्धारी सार्वजनिक यातायात व्यवसायी समिति, प्रधान कार्यालय विजुवार जुम्रि प्यूठान । -तुलसीपुर अनलाइनबाट
Post a Comment