|
|
|
|
६ जना कर्मचारिलाई सल्यान प्रहरीले नियन्त्रण लिइसकेको छ । इन्ट्री गर्ने क्रममा प्रहरीकै अगाडी वस तोडफोड गर्नुका साथै प्रहरीलाई समेत आक्रमण भएको थियो । पक्राउ पर्नेहरुमा छतेन्द्र हमाल, सुनिल थापा, नारायण भट्टराई, पाण्डव हमाल, नविन ओली र केशव महर रहेको जिल्ला प्रहरी प्रमुख डिएसपी श्याम खत्रीले बताए ।
गाडी तोडफोडको विषयमा सोमवार विहान जिल्ला प्रशाशन कार्यालयमा छलफल समेत भएको थियो । ‘प्रमुख जिल्ला अधिकारी दुर्गादत्त पौडेल पनि छलफलमा सहभागी हुनुहुन्थ्यो’ डिएसपि खत्रीले भने– बस तोडफोडमा संलग्नलाइ कानुनी कारवाही सुरु हुन्छ ।
काठमाण्डौबाट रुकुम तर्फ जाँदै गरेको ना ५ ख ७२४१ नम्बरको डिलक्स बसमा सल्यान रुकुम यातायात समितिका कर्मचारीहरुले सोमबार विहान ५:५० बजेतिर वसमा तोडफोड गरोक थिए ।त्यस क्रममा ट्राफिक प्रहरीका हवल्दार विरेन्द्रबहादुर कडायत, बसका कन्डक्टर गणेश कुमाई, यात्रुहरु बलबीर पुन र विमला भुसाल घाइते भएका छन् ।
उनीहरुको जिल्ला अस्पतालमा उपचार भइरहेको छ । कुमाईको टाउकोमा र भुसालको खुट्टामा चोट लागेको छ । तोडफोडबाट बसको अगाडीको सिसा फुटेका छन् ।
Post a Comment