|
|
|
|
यही असार ६ गते रातामाटाका १६ बर्षिय अर्जुन सुनारको जंगलमा शब फेला परेको थियो । घरबाट हराएका सुनारको घोराही नगरपालिका १० मा पर्ने मनकामना महिला सामुदायिक वनमा सडेको अबस्थामा शब फेला परेको थियो ।
शबको प्रकृती हेर्दा हत्या गरिएको हुन सक्ने भन्दै प्रहरीले अनुसन्धान गर्दै जाँदा दुई जनालाई नियन्त्रणमा लिएको जिल्ला प्रहरी प्रमुख, प्रहरी उपरिक्षक एसपी धिरजप्रताप सिंहले जानकारी दिए । पक्राउ पर्नेहरुमा रातामाटाकै १६ बर्षिय शुसिल चौधरी र घोराही नगरपालीका ७ का प्रकाश सुनार रहेका छन् ।
उनिहरुले नै अर्जुन सुनारको हत्या गरेको अनुसन्धानबाट खुलेको र अभियुक्तहरुले पनि स्विकार गरेको एसपी सिंहले बताए । जिल्ला प्रहरी कार्यालयको हिरासतमा रहेको चौधरी र सुनारलाई आजै म्याद थप गरी अनुसन्धान सुरु गरिएको प्रहरीको भनाई छ ।
व्यक्तिगत रिसिईबीका कारण कुटपिट हुदा अर्जुनको मृत्युभएपछि जंगलमा लगेर फालेको प्रक्राउ परेकाहरुले बयान दिएका छन् । पहिले देखी नै ति किशोरहरु बिच झगडा हुदै आएको र कुटपिट पछि मृत्युभएको अनुसन्धानबाट खुलेको प्रहरी प्रमुख एसपी सिंहले बताए । तुलसीपुर अनलाइनबाट
Post a Comment