|
|
|
|
त्यसैगरी, ठगीको दोस्रो स्थानमा रहेको गौशालास्थित द रिभर ओभरसिजविरुद्ध १०४, तेस्रो स्थानमा बखुन्डोलस्थित प्याराडाइज इन्टरनेसनल प्राइभेट लिमिटेडविरुद्ध १०३ ठगीको उजुरी यो अवधिमा परेको छ ।
ठगीको उजुरी बढी पर्ने शीर्ष १० भित्र भेरी कर्णाली इन्टरनेसनल प्राइभेट लिमिटेड (७५), मोन्टेज ओभरसिज (६४), सिग्मा इन्टरनेसनल (६३), क्याराभान इम्प्लोइमेन्ट सर्भिस (६१), युनिभर्सल इन्टरनेसनल (५९), एनसिएफ इम्प्लोइमेन्ट सर्भिस (५७) र ट्रस्ट नेपाल ओभरसिज (५६) परेका छन् ।
यसैगरी, सिद्धार्थ गौतम ओभरसिज सर्भिसविरुद्ध ५४, ग्रीनस्टार ओभरसिजविरुद्ध ५१, कपिल म्यानपावरविरुद्ध ५१, क्यापिटल रिक्रुमेन्ट र्सिभसविरुद्ध ५०, एक्का ओभरसिज इम्प्लोइमेन्ट कन्सल्टेन्टविरुद्ध ४९, मिथिला म्यानपावर र्सिभसविरुद्ध ४८, आरक्षण इन्टरनेसनलविरुद्ध ४८, लक्की एच आर सोलुसनविरुद्ध ४७, भण्डारी ओभरसिजविरुद्ध ४५, शिखर इन्टरनेसनल म्यानपावर सर्भिसेजविरुद्ध ४५, आर के म्यानपावर ग्रुपविरुद्ध ४४, पाथिभरा ओभरसिजविरुद्ध ४४ र लाइफ इन्टरनेसनल ओभरसिजविरुद्ध ४२ उजुरी परेका छन् ।
निल्को इन्टरनेसनलले विष्णुप्रसाद गौतमलाई जापान पठाइदिने भन्दै रु १७ लाख ठगी गरेको, दि रिभरले टीकाराम सापकोटालाई दुबई पठाइदिने भन्दै रु ६ लाख ८० हजार ठगी गरेको, भेरी कर्णाली ओभरसिजले अफगानिस्तान पठाइदिने भन्दै खिमबहादुर पाण्डेबाट रु सात लाख लिएको, युनिभर्सल इन्टरनेसनलले पोल्यान्ड पठाइदिने भन्दै नवीन नेपालीबाट रु ६ लाख ४० हजार ठगी गरेका जस्ता उजुरी विभागमा परेका छन् ।
गएको आठ वर्षमा ठगीका सबैभन्दा बढी उजुरी परेको आरए एन्ड आर जब ट्र्याकर पछिल्लो समय केही सुध्रिएको तथ्यांकले देखाएको छ यस आर्थिक वर्षको पछिल्लो १० महिनाको अवधिमा भने सो म्यानपावर ठगीको उजुरी पर्ने कम्पनीमध्ये १०औं स्थानमा परेको छ ।
यो अवधिमा सबैभन्दा बढी उजुरी युनिभर्सल इन्टरनेसनलविरुद्ध २७, द रिभर ओभरसिजविरुद्ध २४ र सि लिन्क ओभरसिजविरुद्ध १९ ओटा परेका छन् ।
निल्को १५, लक्की ११, देवान ११, एक्का १०, भेरीकर्णाली १०, आरक्षण १० तथा सिद्धार्थ गौतम, युनाइटेड एचआर, गोर्खाज एसोसिएट्सविरुद्ध ९र९ उजुरी परेका छन् ।
शिखर, जब ओल्र्ड इनटरनेसनल, मिलिनियम, ट्रस्ट नेपाल, ह्वाइट पर्ल, मा पद्मा प्लेसमेन्ट, अल जफर, दिप गेटवे, आयुस, मोन्टेज, इन्नोभेटिभ र मिथिला म्यानपावरविरुद्ध आठरआठ उजुरी परेका छन् ।
महानगरीय अपराध महाशाखाको टोलीले मानव बेचविखनमा संलग्न रहेको भन्दै गत फागुन १२ गते १८ म्यानपावर कम्पनीमा छापा हानेर केही सन्चालकलाई कारबाही गरेपछि पछिल्लो समय म्यानपावरको ठगी कार्यमा केही कमी आएको छ ।
महाशाखाका प्रमुख वरिष्ठ उपरीक्षक सर्वेन्द्र खनालले वैदेशिक रोजगारको क्षेत्रमा केही म्यानपावरको षडयन्त्र हाबी रहेको र त्यस्ता म्यानपावर कम्पनीविरुद्ध प्रहरीले सुरु गरेको कारबाही जारी रहेको बताए ।
उनले राम्रो काम गर्ने म्यानपावरलाई प्रोत्साहन र ठगीमा संलग्नलाई कारबाहीको दायरामा ल्याउनसकिएमात्रै यो क्षेत्र सुध्रिने बताए । वैदेशिक रोजगार विभागका कानुन अधिकृत गोविन्दप्रसाद उपाध्यायले महिनामा सरदर एक सयको हाराहारीमा म्यानपावरविरुद्ध उजुरी पर्ने गरेको जानकारी दिए ।
उनका अनुसार अधिकांश उजुरी भनिएअनुसारको तलब नपाएको, भनिएअनुरुपको काम नपाएको, बढी पैसा लिएको र पैसा लिएर पनि नपठाएको जस्ता विषयमा पर्ने गरेका छन् ।
उजुरी परेपछि आफूहरुले म्यानपावर सन्चालकलाई विभागमा झिकाएर पीडितलाई क्षतिर्पूित दिलाउन पहल गर्ने र आवश्यकतानुसार थप कारबाही गर्ने गरेको जानकारी दिए ।
यसैबीच, संसदको अन्तर्राष्ट्रिय सम्बन्ध तथा श्रम समितिले ठगीमा पटक–पटक संलग्न भइ आरोप पुष्टि भएका कम्पनीका लागि स्पष्ट नीति र मापदन्ड बनाइ उनीहरुको अनुमतिपत्र नवीकरण नगर्न श्रम तथा रोजगार मन्त्रालय र वैदेशिक रोजगार विभागलाई निर्देशन दिएको छ ।
कामदारबाट बढी रकम असुलेको भनी उजुरी परेर कारबाही भएपछि पनि नसुध्रिएका म्यानपावर कम्पनीहरुको विवरण तयार पारी उनीहरुको अनुमतिपत्र नवीकरण नगर्न समितिको शुक्रबारको बैठकले निर्देशन दिएको समितिका सभापति प्रभु साहले बताए । स्रोतः किरण भट्टराई, राससबाट
Post a Comment