|
|
|
|
विकास सम्मेलन पछि जिल्लाको विकासमा केहि परिवर्तन हुन्छ कि भन्ने सोचेका जनताहरु अहिले हावादारी भन्दै आजित बनेका छन् । करिब ५ महिना अघि नागरिक समाज रोल्पाका संयोजक घनश्याम आचार्यको संयोजकत्वमा सम्मेलन समिति गठन गरिएको भएता पनि हाल उक्त समिति नै बेखबर बनेको छ ।
जिल्लाको विकास निर्माणलाई गति दिने उद्देश्यले गत फागुनमा बृहत विकास सम्मेलन गर्ने तयारी भएको थियो । सम्मेलनमा सरकारका अधिकांश मन्त्री, साम्सद, दातृ निकायका प्रतिनिधिहरुको सहभागि गराई रोल्पा जिल्लाको बास्तविक लगानी क्षेत्रको पहिचान गरि धेरै भन्दा धेरै सहयोग जुटाउन पहल गरिने अक्ष्य राखिएको थियो । तर तत्कालिन एलडिओ गेहेन्द्र बहादुर डाँगीको सरुवा भएपछि सम्मेलन गर्ने योजना सेलाउदै गएको हो ।
समिति गठन पछि ३ पटकसम्म वैठक बसेको संयोजक आचार्यले जानकारी दिए । ‘अवधारणा पत्र पनि तयार पारिएको थियो संयोजक आचार्यले भने ‘अहिले करिब ३ महिना भयो समितिको कुनै वैठक बस्न समेत सकेको छैन् ।
नागरिक समाज, गैसस, पत्रकार महासंघका अध्यक्ष लगायतको एक समितिले अबधारणा बनाएको भएता पनि अहिलेसम्म कुनै प्रक्रिया अघि नबढेको समितिका सदस्य तथा नेपाल पत्रकार महासंघ रोल्पाका अध्यक्ष महेश न्यौपानेले बताए ।
हामीले धेरै मेहनत गरेर राम्रो अवधारणा बनाएका थियौं न्यौपानेले भने ‘तर त्यो काम अहिले कहाँ पुगेको छ पत्तो छैन् । उता जिविस रोल्पाका सुचना अधिकारी राम कुमार न्यौपानेले यस बारेमा तत्कालै केहि निर्णय हुने बताए । तुलसीपुर अनलाइनबाट
Post a Comment