|
|
|
|
अनुगमनका क्रममा मेडिकल दर्ता नभएको र बिरामीको उपचार गर्ने व्यक्तिले स्वास्थ्यसँग सम्बन्धित विषय नै नपढेको पाइएपछि शितलपुर चोक नजिकै रहेको तुलसी हेल्थ क्लिनिक बन्द गराएको औषधी व्यवस्था विभाग नेपालगञ्जका निरीक्षक सुरज गौतमले जानकारी दिए ।
उक्त मेडिकलमा अनुमति बिना नै पायल्स रोगको उपचार समेत गरिँदै आएको थियो । तुलसी मेडिकलका सञ्चालकले औषधी पसल दर्ता गरेको र पायल्स रोगको उपचार गर्ने अनुमति प्राप्त कागजात विभागमा नबुझाएसम्म मेडिकल बन्द रहने गौतमले बताए ।
गौतमका अनुसार जीवनप्रेमी मेडिकलमा नेपाल सरकारले निःशुल्क वितरणका लागि सरकारी अस्पतालमा मात्रै उपलब्ध गराएको, नेपालमा बेच्न प्रतिबन्ध लगाइएको र म्याद सकिएका केही औषधी बेच्न राखिएको अवस्थामा फेला परेका छन् ।
जीवनप्रेमी मेडिकललाई औषधि ऐन अनुसार कारवाही हुने विभागले जनाएको छ । जीवनप्रेमी मेडिकल र मनोज उपचार क्लिनिकले अर्काको प्रमाणपत्र राखेर औषधी व्यवसाय गरेको पाइएको अनुगमन टोलीले जनाएको छ ।
औषधि पसल गर्न फार्मेसी पढेको हुनपर्छ भने स्वयं व्यक्ति मेडिकलमा उपस्थित भएको हुनुपर्ने प्रावधान छ । त्यसैगरी दिर्घायु पोलिक्लिनिकमा राखिएको औषधी पसलले सञ्चालन अनुमतिपत्र देखाउन नसकेको अनुगमन टोलीले जनाएको छ ।
उक्त औषधी पसललाई प्रमाणपत्र पेश गर्न निर्देशन दिइएको र पेश गर्न नसके पसल बन्द गरिने अनुगमन टोलीले जनाएको छ । त्यसैगरी राप्ती अञ्चल अस्पताल अगाडि रहेको पानस मेडिकल भने अनुगमन टोली देखेपछि बन्द गरेर बेपत्ता भएको गौतमले जानकारी दिए ।
Post a Comment