|
|
|
|
घाईते मध्ये मोटरसाईकल चालक तुलसीपुर ६ मोतिपुर निवासी १९ वर्षीय विदुर भण्डारी गंभिर घाईत भएका छन् । मोटरसाईकमा सवार मोतिपुर कै २२ वर्षीय निमबहादुर दमाई र २४ बर्षीय डम्मर दमाईलाई हातखुट्टा र छातिमा चोट लागेको छ ।
तुलसीपुर बाट घोराही तर्फ जाँदै गरेको रा १ त १४१० नम्वरको ट्रेक्टरले विपरित दिशावाट आउँदै गरेको बा ३९ प ७२३१ नम्वरको मोटरसाईकलाई आइतवार विहान ९ बजेरित ठक्कर दिँदा मोटरसाईकलमा सवार तीन जना घाईते भएका हुन ।
गत शुक्रवार मात्रै तुलसीपुर–घोराही सडक खण्डको विजौरी ५ विजौरीमा पनि ट्रेक्टरको ठक्करवाट मोटरसाईकलमा सवार सशस्त्र प्रहरीका हवल्दार दम्पत्तिको मृत्यु भएको थियो । उक्त घटना लगतै फेरि त्यस्तै प्रकृतिको घटना हुँदा तुलसीपुर घोराही सडक खण्डमा यात्रा गर्नु निकै जोखिम पूर्ण छ भन्ने पुष्टि गर्छ ।
सडक खण्ड साँगुरो हुुन, चालकले ट्राफिक नियमको पालना नगर्नु, अत्यधिक गतिमा चलाउनु, सडकको अवस्था ठिक नहुनु , सवारी साधनको चेक जाँच र मर्मत संभारमा चासो नदिनु जस्ता कारणहरुले गर्दा दुर्घटना हुने गर्छ ।
दिनहुँ जसो काहाली लाग्दा दुर्घटना हुने गरेको भएपनि ट्राफिक प्रहरी र सरोकारवालाहरुको दुर्घटना न्यूनिकरणका लागि आवश्यक सचेतना फैलाउन आवश्यक चासो दिएका छैनन् । तुलसीपुर अनलाइनबाट
Post a Comment