|
|
|
|
अस्पतालाई आवश्यक पर्ने अक्सिजन ग्यास प्लाण्ट निर्माणको काम केही दिनमानै सुरु हुने अस्पताल विकाश समितिका अध्यक्ष रुद्रमणि शर्माले जानकारी दिएका छन् । यो प्लान्ट नेपालमै पहीलोपटक सरकारी अस्पताल अंचल अस्पतालले सुरु गर्न लागेको हो ।
नेपाल सरकारबाट प्राप्त सहयोग एक करोड २५ लाख वजेट वाट ग्यास प्लाण्ट र खानेपानीको डिपवोरिङ निर्माण हुने अस्पतालले जनाएको छ । अक्सिजन ग्यास प्लान्टको लागि करिव ८० लाख वरावरको टेण्डर भएको र निर्माणको जिम्मा पाएको मेडि अक्सिजन प्रालिलाई सो निर्माणको जिम्मा दिएको बताएको छ ।
अक्सिजन निर्माण संगै अस्पताललाई आर्थिक भारपनि कम हुने बताएको छ । ‘ अक्सिजन प्लान्टको लागि टेण्डरको काम सवै सकीएको छ निर्माणको जिम्मा पाएको कम्पनीले असारमहिना भित्रनै योजना सुरु गर्ने बताएको छ –शर्माले भने ।’ उनले सो प्लान्ट निर्माण संगै अस्पतालाई आवश्यक पर्ने अक्सिजन वाहिरवाट ल्याउनु नपर्ने र अस्पताललाई आर्थीक भारपनि कम पर्ने बताए ।
हाल दैनिक ४ सिलण्डर ग्यास अस्पतालमा खपत हुदै आएको अस्पतालका मेसु डा भोलाराम श्रेष्ठले जानकारी दिएका छन् । त्यसैगरी अस्पतालमा हाल खानेपानीको समस्या भई रहेको भन्दै खानेपानी आपूर्तिका लागि अस्पताल परिसरमा डिपवोरिङ निर्माण गर्ने अस्पतालले जनाएको छ ।
शर्माका अनुसार २० लाखको टेण्डर आह्वान गरी डिपवोरिङको योजनापनि अगाडि बढाएको बताए । ‘खानेपानीको आपूर्तिका लागि डिपवोरिङ निर्माणपनि गर्न लागेका छौं, सवै प्रकृया पुरा भएको छ, अव केही दिनमानै सो काम पनि सुरु हुन्छ-शर्माले भने । डिपवोरिङ निर्माण संगै अस्पतालमा पानीको अभाव कम हुने पनि बताएको छ । त्यसैविच अंचल अस्पतालले करिव १० लाखको लागतमा डिजिटल एक्सरे मेसीन ल्याएको छ ।
अस्पतालमा डिजिटल एक्सरे मेसिन नहुदा विरामीहरु अनेत्र जान वाध्य भएका थिए । अस्पतालमा डिजिटल एक्सरे जडान संगै सेवामा पनि सहजता भएको अस्पतालले जनाएको छ । त्यसैगरी अस्पतालमा निर्माण भएको रक्तसञ्चार भवनमा व्लड वैक सञ्चानका लागि भौतिक समाग्रीहरु खरीद गरी व्लड वैंक सञ्चालन गर्ने तयारी गरेको पनि बताएको छ ।
त्यसैगरी अस्पतालमा लाखौ रकम खर्च गरेर निर्माण भएको आइसियू सेवा भने सञ्चालनमा आउन सकेको छैन् । अस्पतालले आइसियूका लागि पूर्वाधार तयार भएपनि जनशक्ति अभावले सो सेवा दिन नसकेको बताउदै आएको छ । जसका कारण यहाँवाट विरामीहरु अनेत्र रिफर हुने समस्या भने जिउका त्यु रहेको छ । तुलसीपुर अनलाइनबाट
Post a Comment