|
|
|
|
केही दिन यता लगातार जसो यात्रु सवार वसहरुलाई लक्षित गरि आक्रमण र तोडफोडहरु हुन थालेका छन् । मानविय सम्वेदना समेत ख्याल नगरी चल्ति वसमा आक्रमण हुँदा चालक र यात्रुहरु समेत घाईते हुन थालेका छन् ।
सल्यान रुकुम यातायात व्यवसायी समितिको दुईवटा वसमा आइतवार विहान साढे २ बजेतिर अज्ञात समूहले तोडफोड गरेको छ । दाङको भालुवाङबाट रुकुम खलंगा तर्फ जाँदै गरेको रा १ ख ११२६ नम्वरको वस र नेपालगञ्जबाट रुकुम तर्फ जाँदै गरेको ना ३ ख ७२३५ नम्बरको यात्रु सवार वसमा सल्यानको ढाँकाडामको निगालपानीमा तोडफोड भएको जिल्ला प्रहरी प्रमखु एवं डिएसपी श्याम शत्रीले जानकारी दिए ।
वसमा अज्ञात समुहले गरेको आक्रमणका क्रममा रा १ ख ११२६ का सहचालक ताराप्रसाद महतारा घाइते भएका छन् । अपरिचित व्यक्तिहरुले चल्ति वसमा ढुंगामुढा गर्दा दुवै वसका सिसा फुटेको सल्यान रुकुम यातायात व्यवसायी समीतिका अध्यक्ष लोकमान बुढाथोकीले जानकारी दिए । शुक्रबार राति पनि रुकुम यातायात प्रालिको डिलक्स बसमा तोडफोड भएको थियो ।
Post a Comment