|
|
|
|
उनीहरुले सडक निर्माण गर्ने विभिन्न निर्माण व्यवसायी र होटेल सञ्चालकलाई फोन गरेर ज्यानमार्ने धम्की दिँदै १ लाखदेखि ५ लाख रुपैयाँ सम्म चन्दा माग गरेको उपरिक्षक सिंहले बताउनुभयो । उनीहरुले पैसा असुली गरेको या नगरेको भन्ने विषयमा अनुसन्धान सुरु गरिएको छ । पक्राउ पर्ने दुवै जना कैलाली कारागारबाट जेठ १५ गते गणतन्त्र दिवसको अवसरमा असल चालचलन र ४० प्रतिशत कैद भुक्तान गरेको भन्दै ज्यान मार्ने उद्योगको मुद्दा खेपीरहेका बेला कैद मिनाहामा परेका थिए ।
दुवै जनालाई प्रहरीले सार्वजनिक मुद्दा चलाएर थप अनुसन्धान गरेको छ । हमाल र बस्नेतलाई जिल्ला प्रहरी कार्यालयको निर्देशनमा गुण्डागर्दी नियन्त्रण गर्न गठित विशेष कार्यदलले पक्राउ गरेको हो । पक्राउ परेका दुवै जनालाई इलाका प्रहरी कार्यालय तुलसीपुरमा राखिएको छ । प्रहरीले उनीहरुलाई कैलाली कारागारबाट छुटे देखिनै निगरानी गर्दै आइरहेको श्रोतले बताएको छ ।
‘छुटेर आएको दिनमा पनि मोटरसाइलमा होहल्ला गर्दै हिडे, त्यसको केहि समयपछि धम्की दिएर चन्दा माग्न थालेको गुनासो आउन थालेकाले उनीहरुलाई नियन्त्रणमा लिइएको हो’, प्रहरी श्रोतले भन्यो ।
यता इलाका प्रहरी कार्यालय तुलसीपुरका डिएसपी कृष्ण प्रसाईले भने अनुसन्धानमा बाधा पुग्ने भन्दै पक्राउ परेका व्यक्तिको नाम र ठेगाना समेत नदिएको पत्रकारहरुले गुनासो गरेका छन् । प्रसाईले विभिन्न समयमा अनुसन्धानमा बाधा नपुग्ने कुरालाई पनि अनुसन्धानमा बाधा पुग्ने भन्दै लुकाउन खोजेको उनीहरुले बताएका छन् । स्रोत: दाङखबर
Post a Comment